سـفـيـر مـن دون سـفـارة ...!!

تـدري جبرنا هالزَّمن .. ياللأســـــــــــف مانِجتمع


يعني بنِبْقى زي كذا .. كل(ن) بيبقى بْموضِعَه

والمشكلة حبِّك طغى. . وصاير يزيد ويرتفع وش يخمد الشَّوقِ الذي مِبْطِي بجوفي مرْتَعَه؟

ياكُبر إحساسِ العَجز لمَّا قليبك يِنْوْجِــــــعْ
لمَّا يضيْق الكُون بك .. والكون ذا ما أوسَعَه

لمّا انته توفي للزَّمنــــــ .. وبْسهم غدره تنخدعْ ولمّا بظُلمه يجبرك .. عمرك لحُكمه يخْضعه

تحيا على (حلمِ العُمر) .. وفجأة تفُوق وتنْصفعْ تصحى بواقع يقْتلك .. ودمعك تحدَّرْ مَدْمعـه

إنك مع غيري تعيش .. مااقدر اصَـــــــدِّق واقْتِنِعْ
وش يقْنع احساسي بْكِذا .. وقلبي أنا وش يقْنعه؟

قلبي رغم كُل ماجَرى .. ماودَّه عنِّكْ يمْتِنع شفني وربِّي عاجز .. كيف إني أقدر أمنعه

يمكن لأنَّه مابقى .. بنبْضَه لغيرِك مُتَّسَــــــــــعْ وماغيرك انته اللي قِدَرْ .. حُبك بوسطَه يطبَعَه

وصوتك غزتني نبْرته .. وماغير صوتك ينسمع أَسْمَع صدى صــــــوت الندا .. وامشي وراه واتْبَعه

(البذرة) محتاجه لثرى .. حتى تعيش وتنْزرع
والكون يتوقَّفْ إذا ,, غابتْ فُصُوله الأربـــعة

روحـــي كذا لو تِبْتِعِدْ .. من جوفي والله تِنْتِزع عمري يضيع وينتهي .. يِلْقى في بُعْدِك مصْرَعَه

(أُوعدني) تِبْقى لي أنا .. وحبل الوصل ماينْقِطع تكفى أبي منِّك وعَدْ .. حبل الوصل ماتِقْطَعَه

║║╔═╦╦╦═╗║╚╝╠═╦╦╗


║╚╣║║║║╩╣╚╗╔╣║║║║
╚═╩═╩═╩═╝::╚╝╚═╩═╝