░▒▓◄سجّـل حضـوركـ ببيـت مـن الشعــر►▓▒░

أخترت لكم هذه القصيده وأتمنى أن تنال أعجاب الجميع

غنيت ماقصدي طرب فـي حياتـي***لاشـك مـن دورات الأيـام غنيـت
وجاوبت ورقا الراعبي عن سكاتـي***غنا وانـا غنيـت مثلـه وونيـت
نشدتنـي عـن حالتـي ياشفاتـي*** وانا مريض القلب لو انـي اخفيـت
اضحك وونـات الحشـا موجعاتـي*** واشرب قراح وكن شربي من الزيت
واغيـب كنـي محـرم بالصلاتـي*** لو هو ندهني رافع الصوت ما وحيت
محدٍ يعـرف جروحـي الخافياتـي*** وإلى نشدني واحـدٍ عنـه صديـت
اصـد وابغـض ناقليـن الوشاتـي*** واناجي اللي مـا لغيـره ترجيـت
ماضن بـه حـي يسـوي سواتـي*** وحيد بالدنيـا واصـارع عفاريـت
وذكـرت دور ايامنـا الماضياتـي*** والحقت مع عبرات صدري تناهيـت
ياكثـر ماشفنـا مـن العايبـاتـي*** والى زعلت من الخطأ قالو أخطيـت
وطاحت عن الكتفين فجـة عباتـي*** وحلقـت بالأفكـار ثـم استلجيـت
وفكرت في شيء جرى لـي وفاتـي*** حيف يفتت بسـرة القلـب تفتيـت
ويشيب طفل ويذهـل المرضعاتـي*** ينسن رضيع الديد صرعاً مباهيـت
وانـا برجـوى مجـري الكايناتـي*** وكبرت باسمـاه العزيـزه ولبيـت
اللي عصم يوسف عـن الخايناتـي*** ورده على يعقوب عقـب التفاخيـت
كـل يقـول انـه بفعلـه زنـاتـي*** والفعل راحوا به هل المجد والصيت
مـا ريـد دار الـذل دار العصاتـي*** دار الخنا والغـدر منهـا استمليـت
متـى عليهـا نسمـع النايحـاتـي***ودار الثنا والجود فيهـا زغاريـت
يالله يالـلـي تعـلـم الخافيـاتـي***انـك تمشيهـا علـى مـا تمنيـت