دنيا تضيق وفزعة الله قريبه

أنا مانـي غشيـم أحـط أيـدي فـي جحـر هالـداب
وصعبـه مرتيـن ألـدغ بهـذا الجحـر ومـن دابــه


صحيح أنـي هـواوي وأعتـرف أنـي قتيـل أهـداب
ولكـن مـن ذبحـنـي بالـهـدب نتـفـت أهـدابـه




أنا عايش علـى هـالأرض ولافيهـا حسبـت أحسـاب
وربي من أنخلـق لليـوم شخـص ٍ أحسـب أحسابـه


ولكن .. آه .. يا .. لكـن وكـل شـي ٍ ولـه أسبـاب
وأنا حظي عطانـي " كـف " وكـان العشـق أسبابـه


غلط مني .. عشقت وجيت أشيل من الضلـوع أحطـاب
مدام اللـي كسـرت صـدري معاهـا فـاس وحطابـه


خذت قلبي .. مـن ضلوعـي وصـاح الذنـب للتـواب
ياربـي أغفـر ذنوبـي .. ونفـس السـوء تـوابـه


سرجت من الوفا .. مهـره وطاحـت وأنكسـر ركـاب
وهـم قالـو وعلـى ماقيـل يعـرف الخيـل ركـابـه


وأنـا خيـال أبـن خيـال وراس الخيـل منـي شـاب
علـى ظهـر الأصايـل .. ماتركـت السيـف بجرابـه


ولكـن الزمـن خايـن وانـا ويـا الزمـان أصحـاب
غدربي .. وليه يغدربي !!؟ .. وكنـت أعـز أصحابـه


يبينـي لقمـة ٍ سهلـه علـى المـخـلاب والأنـيـاب
وقيـل " أن لـم تكـن ذئبًـا بتاكـل لحمـك .. ذيابـه


وانا ماني عشى للذيب .. أنا اللـي قـد أكلـت أذيـاب
عليـه تشهـد أنجـوم السمـا والضـلـع ومرقـابـه


وأذا كان الزمن مبسوط !! .. قبلـه مافرحـت أشنـاب
ومن يطـرق لبـاب النـاس .. تطـرق العـرب بابـه


أنا ماجيت هـي جتنـي .. وقالـت أعشقـك بأعجـاب
وأنـا كلـي فخـر بالشعـر والجمـهـور وأعجـابـه