نبضات رهين الشوق

لا صرت بايعني .. اشوفك على خير
مع السلامه .. دام ما به سلامه !!

قلت : انتهينا قلت لك : خير يا طير !!
ماني باول شخص يخسر iغرامه

محذرك من قبلها الف تحذير
لا عفتني بيعيف قلبي هيامه ii

مانيب ميّت لا ! ولا احتاج تبرير
صح الله لسانك .. ووفر كلامه

بسمعك .. حبكه .. وفكره .. وتصوير
وافهم عدل يا مدعي بالفهامه

وجه الشعر ( ابيض ) ويحتاج تغيير
ودي تزيّن هالقصيده ( علامه ii)

ماضيك ( الاسود ) بذكره دون تقصيير
كذا يكون بخد هالشعر .. ( شامه !! )

يصدق معي تعبير .. ويخون تعبير
يا ضيعة الشاعر .. بوقت انسجامه ii!

يمكن خطا ادونك بالشعر ! مير
لو ما احترمتك للغرام احترامه !!

ما كان حبك غير بس طعنتك غير
علمتني معنى الندم والندامه

ما جاك مني اي زله وتقصير
كل ما خطيت اعاتبك .. بابتسامه !!!!!

حسبي على الذكرى اذا هبت عصير
ما عاد تنفع شرهتي والملامه

البال ( ضامي ) وقتها والحزن ( بير )
( خسرتك ) وهمي ( كسبت ) اهتمامه!!

والليل فازع لك كذا !! جاني مغيير
ظلمتني واكثر ظلمني ظلامه

لا اقبل علي اوحييت صوت المسايير
وفزيت كل ضيف ٍ اقوم بمقامه

وليا عزم هالليل ( ضيقه وتفكير ! )
قلّي بربك كيف بقدر انامه

ما فيه داعي للعتب والمعاذير
الغدر ( خال ) الجرح واطيّب ( عمامه ) !!

أما يجيب الله مطر .. تالي وخير
ولا السلامه مااااش مامن سلامه

..{..يارب

إن أعطيتني مالاً لا تأخذ سعادتي



وان أعطيتني قوةً لا تأخذ عقلي

وان أعطيتني نجاحاً لا تأخذ تواضعي

وان أعطيتني تواضعاً لا تأخذ [ اعتزازي بكرامتي ]

إذا أحببت شيء بشدة ... فأطلق سراحه ...
فإن عاد لك فهو ملك لك إلى الأبد ...
وإن لم يعد لك فهو لم يكن لك من البداية ...

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] قال بيجي وأخلف في وعدهـ ونساني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

أهديكم هذه القصيدة الجميله للشاعر ناصر القحطاني
شاعر الأندلس
الـذاهـــــــــــبه

الله اللي راد والعقده قضاها اللي عقدها

لا على الدنيا السلام ولا لباقي العمر زينه

الفضا ما كنه الى خيمة طاحت عمدها

والفرح ما كنه الى شيخ انقصت يدينه

والعمر قطعة زجاج انكسرت ولا طال امدها

والعرب في العيد بدموع اليتاما مستهينه

والشوارع لفها ثوب الظلام اللي هجدها

والبيوت اطلال من عقب المحبه والسكينه

والشتا والليل والبرد والسما يصرخ رعدها

والعيون اللي ورا الشباك مذعوره حزينه

طولوا في الكهف ألأصحاب وبقت روحي وحدها

كنها في كوكب ثاني خلا من سا كنينه

الوداع اللي بعلم لعيني اعبر من رمدها

والوداع اللي بلا علم لقفص صدري غبينه

والوداع اللي بلا رجعه على ياأ مر وأدهى

والله انه غرغرة سم وسكاكين سنينه

والعنود اللي جفيت الناس والدنيا بعدها

مدة الفرقا لغاليها وهي تعطي الثمينه

وينها كيف اتركتني ليه ماجت في وعدها

والقمر لا طل خابرها تجي بيني وبينه

رحت انادي واتلمس في مهب الريح يدها

كني احصان بلا صاحب طوى البيدا حنينه

رحت أصيح الصبح وينه والعرب ما رد احدها

ما سمعت ألى صدى صوتي يقول الصبح وينه

كنهم من يوم ذيك الشمس غابت عن بلدها

طلعوني في النفود وصكوا ابواب المدينه

كنهم من يوم ذيك الذاهبه محد وجدها

كل رجال من الشرهه قلع الدرب عينه

أثرها ما تت وماتت كل فرحه في مهدها

والربيع اقفت به اللي كانت التاج لجبينه

جاورت عقب الحدايق حفرة مقسا لحدها

حفرة ماني مصدق كيف ضمت يا سمينه

للحزن فيني مثل ما لطهاره في جسدها

ويش اسوي لا فتشت اللي لها وسط الخزينه

زخرفت حلم وبنت له مسكن وسمت ولدها

آآه لو غرد ولدها في خميلة والدينه

عاهدتني وظفرت بيمين أقوى من عهدها

والصبي لا خير فيه كان ما نفذ يمينه

ما تتقى عن رثاها عرق أقتض بشهدها

ولا تبقى خلف قضبان الجفن عذراء سجينه

كيف عند العالم ايام العزاء محصى عددها

ولا انا طالت شهوره والله اعلم كم سنينه

لا الثرى فيها نبات ولا المشي خفف نكدها

لا السما فيها طيور ولا البحر يمه سفينه

لا القمر هذا مساه ولا العصي هذا رغدها

لا الزهر هذا شذاه ولا الذهب هذا رنينه

قا لوا الشيخ الفلاني مرجع القوم وسندها

قال يبشر با العوض والعلم جينا نا قلينه

ساق لك بدر البدور اللي نشدها من نشدها

جادل هزة عروش وخيبة روس ذهيله

قسمها في رسمها في جسمها الافي رشدها

واسمها ان جا للغضب قومه على الا لسن رطينه

أترك اناي وعطية شيخنا غنا لسعدها

وانبسط يا عم ونسى اللي ورى التربه دفينه

قلت ولصدري تناهيد تروع من شهدها

آآه وا ويلاه من يجذب على قلبي ضنينه

خلوا اغلى ذاهبه ترعى ربيع اللي فقدها

والعطا راعيه محدن صوبه الله لا يهينه

لو ظمنت الجنهو تفاحة القلب وشهدها

قلت من بكره عسا مجنونها تاقف سنينه

أنزف جروح ودمع عيني ينآجيك
وأدري تعبت بوقفتي عند بابك

مليت صوتي من كثر مايناديك
ليتة يعلمك الحزن في غيابك

كم لي وأنا أحبك وأداريك وأرجيك
ولا لقيت إلا زعلك وعتابك

إن غبت رافقني خيالك وطاريك
وإن طال بعدك ما قطعت الرجا بك

أشتقت لك وأشتقت لأيامنا ذيك
وأشتقت لأنفاس العطر في ثيآبك

تعال خذني للدفى بين اياديك
بصحى بشوفك وإن غفيت أغفآ بك

لآ زلت غالي وإن ذبحني تغليك
ولآ تضيق النفس وقت اللقاء بك

أمس الغلا صوتن يصحي لياليك
واليوم لا صوتي .. ولا شئ .. جابك

البارحة شفتك وفزيت أحييك
كني جفاف الأرض وأمطر سحابك

علمت حزني في غيابك يناديك
مير إن صوتي ج ـــف ماجا جوابك

بسألك واسمع سؤالي ..!
ليه بس أنـت اللـي غالـي؟؟
رغم هجرانك وصدك ..!
صورتك دايم فـي بالـي!!
ليه تبي تفرض حضورك؟؟
وأعشقك وأعشق غرورك؟
من أجل ما أجرح شعورك..!
راضـــي بهذا التعالـي!!
ليه لو أطلب أشوفـك؟
تمنعـك عنـي ظروفـك؟
وأقبل أعذارك وخوفك..!!
وابقـــى بشوقـي لحالـي!!

أبـي أوصف لك مدىحبيولكـن خانـنيالتعبيـــر

وأعبر لك عن أشواقي ولكن جتني العبـرهـ

عرقـ(ن) بقلبي لاذكرتك .. تحرك ..
يا {قوتك} .. حتى بعروقي تحكمت