يا جرحي استأذنك

يا جـرحـي استأذنك بنام لي ساعـه وارجـوك وادخـل على الله لا تصحيني

لـي خــمسة ايـام اعـيش الـسمع والـطاعه ولك خـمسة ايام تامـرني وتنهيني

والــمشكله جـت عروق القلب فزاعه ما يكفـي انـك سـرقـت الـنوم من عيني

اصـبحت انا القـاز وانـت امـسيت ولاعـه شيبتنـي يلـعن اهـلك وش يـطفيني

دكتور وممـرضه وابـره وسماعـه في كل ليله ولا يدرون وش فيني

يا سيدي الـجرح قـلبي يشتكي راعـه لا الذنـب ذنبــي ولا الـموضوع بيديني

حـبيت واخـلصت واثـر الـحب فقاعـه روح وباقـي يموتـني ويـحييني

غيري هـدر دم عشـق وللأسـف باعـه غـيري قتل كل حـب بـحد سكيني

وانا اللي اصـبحت للاخـطاء سماعـه وادفــع ثـمن كل غلـطه من محبيني

قلــبي في الـعشق ناس وتـشكي اوجـاعـه قالو متاهـه وانـا جــيته بـرجليني

بـدايـته سلسله والـنفس طماعـه اغرانـي ادري ولا فـي شئ يـغريني

والـيوم لو قـلت يا أهـل الــحب وطباعه انتـوا على ديــنكم وانـا على ديــني

اجــبرنـي الــجررح اعـيش الـسمع والـطاعـه حتى ولو قلــت لـه يـا جـرحي اعفيني

من خمسة ايـام وانـا في رجــا ساعـه وان جـيت بنام جـرحي يصـحيني