أنا بغيابك

تصدقين إني نويت أكرهك لكني أخاف يـدري قليبـي ثم يكرهني

إذا أنتي قادرة بهذا الوقت تتركيني طالبك يم المقابر بس وجهيني

تدرين وش اللي بالدنيا يضايقني إنك على طول تنسيني مـع أحبابك

أنا بغيابك ورب البيت يخنقني بس إنتي قولي بغيابي كيفها أعصابك

خطرت مرة في بالك يا مفارقتني ما مر طيفي عليك وسهر أهدابك

ما طوقتك الهمـوم اللي تطوقني ما حركتك الحروف اللي على كتابك

أنا أحبك ومـو لازم تصدقيني أنا أبيك وذبحني الشوق بغيابك

أنا بدونك حزيـن ومـاني طايق أنثـر بقايا حطامي وأجمع عتابك

قلبي وهـو قلبي معييَ يرافقني شوفيه ذبحه الحنيين يطقطق أبوابك

مخنوق من غيبتك لو فيك تلحقيني يمكن أموت ويكون الموت بسبابك

طالبك قبل المفارق بس عانقيني عشان تبقى معاي ريحة ثيابك

عشان لا هزني شوقي وزهقني اشم ريحـة غلاك وألعـن غيابـــــــك