خنجرك خيل ومعاليقي فيافي

خنجرك خيل / ومعاليقي / فيافي !
وان صهل خيلك مراكيضه طعون

يافيّافيه من جروحك . . . عوافي
الفرس غالي / وراعيها يمون !!

ابسطي قاعك اذا جتها / السوافي
وازهلي من غيمة الجفن المزون

ورددي مع مركض الخيل القوافي
وهيجني لو تختلف كل . . الظنون

ما شكا من جور طعناته / سنافي !
لو يطيح الدمع من سجن الجفون

الدموع احيان . . للعاشق / منافي
وكم عاشق منفي بدمع / العيون !

ولا بكى من جور مابه كود وافي !
كان صاخب بالعطا / ولفه سكون !

صاحبي : لا عاد تسأل عن جفافي
الضما اللي بخنجرك قلي شيكون ؟

ارتوى من غبة الصدر / وضفافي
تشتكي من جور قفر / وشح لون !

والطعون اللي تجي دايم / خلافي !
طيحّت من جور قسوتها .. المتون

تهتوي جرحي ولك / جرح احترافي
ولا سطا رددت / . . هونها وتهون

اح من جرحك وانا ماني / متعافي !
لعنبوك شفيك / يالقلب . . الحنون !

كل طعنه بيحت عن كل . . . خافي !
وانت مسرف بالخناجر . . والطعون

صاحبي اطعن وانا ماقلت / كافي !!
بس تكفى / طالبك أحذر . . . تخون

لا تبيع الحب . . واعاني / انجرافي
بالدروب اللي نهايتها . . . الجنون

لا صهل خيلك / انا كلي . . فيافي
الفرس غالي وراعيها . . . يمون

للعذب . العايد ,,
راقت لي كثيرا" . وأتمنى ان ترتقي لذائقتكم ..

باقة ورد خجلانه .