ابتدينا عند احبك وانتهينا عند باي

لعنبو قصه غرام كل أبوها كلمتين
ابتدينا عند أحبك وأنتهينا عند باي تونا مامشينا في الهوى لو خطوتين
وأنتهى الموضوع فجأه حتى مدري وش خطاي
أنتهى الموضوع كذا بكل سهوله تحكم
وين أحبك وين أريدك وين ساكن في حشاي
يمكن أنك ماوفيت يوم جيj تعشقني
ويمكن أنك تحسب بتبعك من دون رأي
ويمكن أصلا ماعشقت بس كنت تلعب
ويمكن أنك ماوصلت في هواك لمستواي
ويمكن أني ماعرفتك في الحقيقه وش تبي
ويمكن أني خنت نفسي يوم أعطيتك وفاي
علمني في الهوى ياجاهل وش تعرف
تعرف أنك غديت شي يجري في دماي
علمني في العطا والتضحيه وش تفهم
لعنبو حيك عشانك سبيت أقرب أقرباي
كنت أحطك في عيوني تسرح وتمرح
كنت أشيل هموم قلبك وأرمي همومي وراي
كنت أطير من السعاده يوم أشوفك تضحك
كنت ذايب في هواك مثل سكر وسط ماي
كنت نايم في العسل وأرسم من الفرحه سنين
كنت أظنك قلب عاشق ماسكن وسطه سواي
ماوعيت ألا وأنت في خفوقي تطعن
ماوعيت ألا وسيفك في الحشا رايح وجاي
ورده أي والله ورده بس عرفت تجرح
كل شي فيني جريح ألا فخامه كبرياي
ماتأثرت بغيابك ويش يعني دمعتين
بكره أنسى صدقني وأرجع بكامل قواي
أدري أن أحنا أفترقنا بس أبفهم حاجتين
علمني وش خطاي
أصلا :الموضوع كله ماتعدى كلمتين ألتقينا عند أحبك وأفترقنا عند باي؟













ممآ راق لي وبقوه..