مجنون فيني والقلم عنك مرفوع

مسائكم.’صبــآحكم., كلمة عذبة





.



.
.
اللي وراكـ ضلوع ومن دونك ضلوع


متمركزٍ ف الصّدركنّك ... وداعـه





ودّي اناقش مع سعادتك .. موضوع



وابغاكـ تعطيني فقط " نص " ساعـه





صار اتصالك في من اسبوع لاسبوع



حرّمت وصلك .. وإستبحت القطاعه





وتغيّرت فيك إنطباعات.. وطبـوع



وتجدّدت في نظرتك لي ... قناعـه





عيّشتني في كل مرغـوب ممنـوع



وحرمتني من كل .. سمعاً وطاعـه





وعلّمتني إن الجفا لـه كـذا نـوع



وإن الهجر بالـذّات اكثـر بشاعـه





اوّل تجي يمّي من الشّـوق مدفـوع



ومَ احلى من المشتاق غير إندفاعـه





إن غبت عنك تصيح ودموعك دموع



مافيك ل الصّبر الجميل .. إستطاعه





مــجــنــون فيني و " القلم " عنكـ مرفوع



همّك رضاي ومجتهد .. فإتباعـه





واليوم .. لاحبل الرجى فيك مقطوع



مشيت درب اللّفلفـه .. واللّكاعـه






واللّي تسبّب في تغيّركـ .. مجمـوع



عدم ثقه فينـي .. وبـث الإذاعـه





خل الكلام اللّي من الكذب .. مصنوع



وإخذ الكلام اللّـي تـذوق إنتفاعـه





ماكل هرج يمر " اذانيك " .. مسموع



اربع ارباع اللّـي يمـرّك إشاعـه





لو الحكي بفلوس او شيكـ .. مدفوع



يمديك ضامي ل الكلام .. وسماعـه





ياشينهالاجاتك " همومك ".. جموع



ولاعادعندكـ لـ المواجه .. شجاعه





وياشينها لو كان لك حق مشـروع



واقربهم لـ قلبك سعى فـي ضياعـه





هذا الكلام الليّ من القلب .. مطبوع



إقرا كلام القلب وشـوف إنطباعـه









ودي.~