ثَرثرَه , عَلىآ رَصِيفَ ( الآنتِظآرَ ) ~

تغافلت القلوب اللي وراي وجيت لك وش عاد !
توقّع هو بقى ذرّة غلا للـ حين ذاخرهـا !

كرهتك كيف وأنت اللي هديت لـ مقلتيّ إرقاد
أمانة تحسب أفضالك عليّه بآتصاغرها

تركتك تعبث بقلبي وأحسّ إن إرتياحك زاد
وأنا مرتاح من راحة عبثك ْومقدر أنهرها

نهرتك / ليه ماتجرح ضميري والغلا يزداد ؟!
مع إنّك تجرح وطيبي ينسيّني مخاطرها

وقضيّنا ليالينا الأخيرة في قهر وعناد
وأنا أحسب أجمل أيامي معاك تكون فـ آخرها

رجيتك : لا تروح وجرح خفّاقي يبيك ضماد
وجرّحت الخفوق بـ روحة ٍ ماكنت ناطرها

ياليتك قلت لي في يوم : يمكنّا نكون بعـاد
لجل ماأبلعك عبرة حريقة وآتصبّرهـا

تراه أهون على قلبي تروح بـ ضحكة الأعياد
ولا تقفي ودمعتك إتناثر من محاجرها

أعرفك منت ناقص بـ الوداع أفتح جروح جداد
وفي صدرك جروح بـ سبّتي ماطابت أكثرها