مالعلاقه بين عيال العم وبنات العم وعيال الخاله وبنات الخاله؟

احمد يدخل بيت جدته ..تصادفه نوره في الممر

هلا احمد ، أخبارك ؟ هاه عساك شديت حيلك في الجامعة يقولون ضاغطينك في الجدول

هالترم..

احمد / آآيه آآيه يانورة نوره خليها على الله .. والجامعة مثل ما انتي عارفه لازم يعرف

الطالب انه لازم يتعب عشان يتفوق والله يعين بس..

نوره / آيه آيه صدقتك الله يوفقك

- طيب حياك للمجلس اقلط اقلط ....

||
||
||

عبدالله يدق على بيت جده ، ترد عبير ..

أهلييييين عبدالله ، أخبارك وينك غائب عنا دائم مشغول تقول ان شركاتك مغطية الخليج ذالحين
عبدالله/ هههههههه لالا بس توقعت احد بيسأل علي بيشوف اخباري لكن الله لنا..

عبير / تتغلى ولا مسوي رجل اعمال ومشغول ؟

عبدالله / لا والله بس تعرفين الدنيا ومشاغلها ..

عبير / اييييـه الله يعيـن ..

عبدالله: المهم بس ولا يكثر وين عمتي ؟ أدق على جوالها ماترد ..

طيب لا تدف بناديها لك ..

||
||
||

نوال تتخرج من الجامعة بتقدير امتياز ..

صالح ولد عمتها يرسل/ ألف ألف مبرووووك ، والله أني انبسطت لك والله يوفقك وعقبال

الدكتوراه ….

تم ارسال الرسـالة .

عليكم وكل سنه وانتم بخير...فمان الله

||
||
||

من خلال هالمقدمة....

العلاقة بين االاولاد و بنات الخال والخاله اوالعم والعمـة في بيت الأجداد..

هل هي [ سطحيـة ] وعيب نتكلم معهم أو حرام أو مكروه ،،

والا السن هو المحور الرئيسي في العلاقه

او انه العادات هي اللي تحكمنا في هالناحيه

واذا كانت عاديه ومافيها شي من وجهة نظرك ليش ماتكون واقعيه

وحاصله هالامور بين الاقارب..مثل:

المباركة في الاعياد والنجاح وغيرها من المناسبات

اوالسلام والسؤال عن بعض بشكل غير مقصود اقصد انه ما تسال عنه شخصيآ لكن اذا

صادفتها عبر التليفون او من خلف الباب مثلاممكن تسلم عليها وتسال عن حالها فقط لا تتعدا هالامور..

- هل الأفضل عزل البنات عن الأولاد ؟؟

- في حال الذهاب لبيت الاجداد هل تفضل الجمعات أو الانفراد؟

- اذا كانت العلاقه بين الاولاد والبنات / المسنجر او الرسائل او المكالمات /

مارايك فيها وماهي وجهة نظرك ..؟



أنتظر مشاركاتكم بكل شووق