!. نسـ‏ـم عليـ‏ـنا الهـ‏ـوى .!

صبآحكم & مسآكم شوق

نص جميل ، عذب ، حساس
راق لذائقتي كثييييرآ
وهنا أضعه بين ايديكم متمنيه أن يرتقي لذائقتكم جميعآ ،..


........


في حزة عناده وفي حزة عنادي ،.
قلت : أنت طايح من عيوني كذا مره !

شفني رفعت الحمول وقلت لك ( عادي )
والقلب قبلك عجاج الوقت ماضره !

لا صرت نآوي بعادي ، جرب بعآدي
أرحل وخل الليالي تدفن الجره !

كبرت في عين تاريخي وميلادي ،.
وصغرت في عين عدواني من الحره !

صديت عنه وراح القلب ينقادي ،.
أحاول آصدده مير الغلا فره !

ولديت عيني عليه وحدني حادي ،.
من يوم شفته وشفت العين محمره !

وأقول في خاطري والضيق يزدادي
‏ ‏( والله لـ يبطي وآنا أقدره و آبره )

شلون أبنسى علاج الجرح وضمادي ؟
يوم أني أسهر على طاريه وصوره ؟!!

العام في غيبته نساني رقادي ،.
ماطاب جرحي وراه ولا غدى شره !

أشيل صوتي ورا ( فيروز ) و آنادي ،.
و أتل صوتي من الهجران و آجره !

‏ ‏( نسم علينا الهوى من مفرق الوادي )
سمعتها ودمعت عيني من الحره !

دنق ودمعه يسيل وقال : يالغادي ،
إلا أنت بعدك يتل القلب ويجره !

طعنتني بين وجه الحب وفوادي ،
فديت خشمك لاعاد تعاود الكره ..

ضحكت ، قلت : أنت ياغيمي ورعادي
في ذمتي عيشتي في غيبتك مره !

تبي الصراحه غلطت بحزة عنادي !
وإلا أنت ماطحت من عيني ولا مره ..



‏

‏لــ الشاعر : خالد الهبيده ..