يالله حيه

يالله حيه




يـوم ودعنّـي تلعـثـم فــي كـلامـه





وشفـت فعيونـه دمـوع الحـب حـيّـه




دمعتـه سالـت وفـوق الـخـد شـامـه




وضـاع قلبـي بيـن ذيـك وبيـن ذيّــه




ما قويـت أقـولّ لـه( مـع السلامـة )




قلـت مـن زود الولـه ( يـا الله حيّـه )




اختلـف عقلـي بـدال اسـأل عـلامـه




جيـت لـه مبسـوط أبـي منّـه هـديّـه




مـا صحيـت إلا علـى نبـرة سـلامـه




ثـم أقـفـى وراح والصـدمـه قـويّـه




مـن يـرد العـلـم لا سـكّـر لثـامـه




عـن شفـاة التـوت تحـت المخملـيّـه




ومـن يـرد العلـم لا غـطّـى قـوامـه




بالعبـاة وصـد عـن شـوفـة خـويّـه




خلـي اللـي ماخـذٍ أعـلـى عـلامـه




وسط قلبـي مـا نـزل عـن بنـط ميّـه




فـارضٍ حـبـه وشـوقـه واحتـرامـه




ويبطـي اللـي نـاويٍ بيصـيـر زيّــه




يذكـر اسمـي قبـل مـا يذكـر عمامـه




والحقيقـة عـدنّـي قـبـل الحمـيّـه !!




لا نشدنـي وش كبـر ساحـة غـرامـه




قلـت لـه أكبـر مـن الدنـيـا شـويّـه




ولا نشدتـه كيـف يوصـف لـي هيامـه




قـال لـي مثـل الزهـر والمزهريـه !!




ولا طلبتـه بــس يعطيـنـي ابتسـامـه




ما اسمـع الا همسـة الضحـك الخفيّـه




ما سعـى بـي يـوم فـي درب الندامـه




ولا تركـتـه يــوم وعيـونـه شقـيّـه




وما ابتليت ( الملح ) و ( طقوس الوسامه )




وما امتهنـت الشعـر فـي علـومٍ رديّـه




بــدويٍ مــا يـحـب إلا الشـهـامـه




سـاق روحـه لاجـل محبوبـه عطـيّـه




ومـن يلـوم القلـب يذخـر بالمـلامـه




ما درى اللـي يلومنـي وش صـار فيّـه




خافـقـي لا شـافـه يـجـوّد حـزامـه




كنّـه اللـي مـاخـذٍ فيـنـي وصـيّـه




لا طلـع نـور الصبـح يجلـي ظلامـه




حــنّ قلـبـي للـحـدود الساحـلـيّـه




أقرب من ( دبـي ) وحـدود ( المنامـه )




وأبعـد مـن حـدود ( بـرج الفيصليـه )




بـإذن ربـي مـا يـدور اليـوم عـامـه




غيـر أنـا ويّـاه فـي الديـرة سـويّـه




وإن قالـه الله لا رجـع لـي بالسـلامـه




لاحضنّـه وأقولّـه ( يــا الله حـيّـه )