والله اني كنت الوم اللي يضيق ان غاب خله

من روائع حمد السعيد

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

والله اني كنت الوم اللي يضيق ان غاب خله
لين جربت المحبة والفراق وقلت توبه

العن ابو جد المفارق فيه هم وفيه ذله
واثر كله الحب لذه والفراق أكبر عيوبه

أمس فارقت الغلا ومفارق الخلان عله
والعلاج الوصل لا تبلش لا طبيب ولا حبوبه

الزعل هو سبة الفرقة يهز الحب كله
ليتني طولت بالي قبل لا يعلن غروبه

واهني اللي وسيع الصدر صدره وسع فله
غلطة الصاحب تجي وتروح ماهيب بمحسوبه

سامح الله طبعي اللي للتغير يالعله
قاضبن خلك عزيز لين صارت لي عقوبه

ليش تحسب غلطة الصاحب على الصاحب مذلة
ليش ماتحسب ميانة لو تجي عشرين نوبه

لا وربي كنت احبه حيل مادورت زله
لا تشكك في غلاه ولا تساعد في هروبه

لا يمي قبلك تعبت الوم شعار المجلة
وكنت مؤمن في مقولة أعذب الشعر الكذوبه

واثر كلن في حياته له تجارب مستقلة
وانت لاتشره على مثلي وتبلالك بحوبه

كان جابتك الحميه روحله تكفه وقله
لا يخليني واذا وده يخفف من ذنوبه

يستخير وله غلا قلبن صدوق و ما يمله
فدوة له كل قلبي من شماله لي جنوبه

يوم قفى والخفوق يفوح عقبه فوح دلة
وسط وقدة واحد بعز الشتا والسهر دوبه

لا تقهوى بارده من برد فنجاله وزله
ثم قربها على جالي القمر ورها شبوبه

وين يدله هالخفوق وكل ما يدله يتله
طاري اللي ياكثر ما تعبت رجلي في دروبه

لا طرى جريت ونة من بلاده مستحله
مثل ما راحت بلادي مع شعارات العروبه

كل هاجوس يجيبه جعل شعري فدوة له
واعذابي كل ما جابت لي القبله هبوبه

مشغلن قلبي بحبه دون خلق الله من الله
هيه ياللي ممتلكني حسن واسلوب وعذوبه

ماسمعت ان الخوي له بالخوي تسعين زله
وانت طوف زلتي يا عل تفداك اللعوبه

صاحبي سيف الهجر لا صرت تقدر لا تسله
ما تظن العفو عند المقدرة أكبر عقوبه

ايه انا اللي كنت الوم اللي يضيق ان غاب خله
بس جربت المحبة والفراق وقلت توبه




هذي اهدااااااااء
خاااااااااااااص
للاخ
رهين الشوق
يستاهل





تحياتي للجميع
وخصوصا
اخي صمت
هذي من اغلى
قصائدحمدالسعيد
على قلبي
لاهنتوا
حبايب
قلبي