【 .. إحسآسك في ورطــه .. 】

يسعد صباحك ومسائك ياعاشقه الدموع
ومشكوره على الدعوه

بسم الله نبدا ..

1- عرفنا بنفسك .. ببيت شعر .. تحسه يجسد شخصيتك ..

انا اللي اضحك واكتم مابي...
انا ياللي تسألين الهم بدروبي

2- اكتب لنا تعريف .. الإحساس .. في بيت شعر ..

الأحساس هو شعور غصب إنك تراعيه ... لان اتصاله مثل القلب داخل جسد

3- عطنا بيت شعر من اختياراتك .. ويكون البيت معبر عن ..
أ- الحب
انا احبه حيل ولي في حبه مية مضمون
منتدانا الغالي صارت جدرانه ورديه
ب- الشوق
وينك طول غيابك ماهو كلام شاعر
كلام وافي والفا بد اني اداريه

ت- الوداع
خلاص وش عاد باقي يانظر عيني
بكره بسافر ولا ضنيت به جيه
ث- العتب

اعرف نفسي لامني صديت عنك صديت
ولااطالع ورايا لو ان محبوبي بكا
واعرف اني لامني حنيت لك قسيت
وراجع حسابك منهو اللي بالاول قسى

4- بعد الخيانة إنتهت رغبتي فيك .. و إن كنت تذكرنا ترانا نسيناك
(( وش احساسك لما تقرا هذا البيت .. الموجه لك ))

روح بدربك وبظلمك الله يجازيك
كل بطبعه ينظر هذا وهاذاك

5- لك وحشه ماهي لغيرك من الناس .. انت اللي .. بس .. اقدر اسميك غالي
(( نبي تحط لنا رد على هذا البيت .. في بيت من اختيارك ))

انت الوحيد اللي لك في قلبي مجلاس
ياما ناديتك وانا جالس لحالي

6- من هو فنانك المفضل ؟ اكتب لنا أبيات من أغنيه له وتكون محببه الى قلبك وقريبه من احساسك

خالد عبدالرحمن
جمعت الشوق واهديته عيونك
وكل الحب في دربك نثرته

7- شاعرك المفضل .. وأبيات من أشعاره وقريبه الى قلبك واحساسك ؟
خالد الفيصل

8- الطيب أساسك و الفخر للي يماشيك ، و الذوق شخصك ، و يا سعد من هو يخاويك
( عبر عن احساسك بأبيات .. لما يوصلك هالبيت )

لي الفخر ياصاحبي يوم اني احاكيك
والذوق منك ولك ومنبه من طاريك

9- عبر عن شعورك .. بصورهـ .. وبيت شعر
خالد الفيصل

10- وش اكثر احساس تحسه بأيامك ؟ مع أبيات معبره لهذ الإحساس ؟

شعوري يفوق الوصف والتعبير
للي سكن قلبي واحتله احتلال
انا اسعد واحد اليومه يالنظير
وبعيش في حبي غصب وامتثال
تبادلنا المشاعر صوره وتقرير
وفاق شعوري شعوره وشعوره طال

11- عبر عن شعورك في هاللحظة !
مااحد له بالسعاده مثل مالي
جمعت الاربعه في ليله وحده
صلاتي ورضا اهلي وحبه والخيالي
جاتني كلها في لحظه سعده

12- ماهي علاقتك بالشعر ؟
علاقه حميمه وقويه لدرجه ان اللي نزلته أغلبه من كتاباتي

13- من هو شاعرك المفضل ؟
خالد الفيصل
وحمد السعيد

14- اعضاء في المنتدىُ تثق في ذائقتهم الشعرية ؟
والله بصراحه
الكل له ذائقه متميز وانا ملاحظ ذا بالقسم

15-بيت شعر يحضرك دائما ؟
حمد السعيد
يقولو القمر لاغاب يضويله على ديره
وانا اقول الحبيب لا غاب يضويله على خلان

16-قصيدهـ تعدها من اروع القصائـد ؟
خالد الفيصل
اون وريــاح الليـالـي تـونِـي
والبرد في جوفي كما الغار خـاوي
ماكن لـي عقـل ولا قلـب كنـي
جذعٍ وقف في وجـه الأيـام ذاوي
وبـي عبـرة محبوسـةٍ تمتحنـي
وفي عيني وحلقي وصدري شكاوي
وبي من قديم الوقت جـرحٍ مكنـي
وبي من جديد ايام وقتي مكـاوي
إن قلت زانت خالف الوقـت ظنـي
وإن قلت هانت عاجلتنـي بـلاوي
أجـامـل ايـامـي ولا جاملـنـي
هامت بي الدنيـا هيـام الخـلاوي
الوقـت جايـر واللّيـال اسهرنـي
والحزن ما بين الضلوع متـلاوي
أون وكـلٍ يحسـب انـي اغـنـي
عليل وكلٍ يحسـب انـي مـداوي

17- هل لك محاولات في كتابه الشعر اذا الجوابُ بنعمُ امتعنا لو بالقليل بما كتبته ؟
نعم لي الكثير من القصائد

صمت المشاعر لشاعر مكسور خاطر
أستدانه زمانه وعيا انه يوفيه
ضحكي كدر والدمع مني نادر
والمد قصر والموج عالي مجاريه
والفرح لي طول ما أنا ساهر
طول من القمر غايب عني واحاكيه
زحمه كلام بصدري سد لي المحاجر
يوم ان حبري نشف والكراس ممليه
ياويل حالي يوم قال أنا مسافر
حسيت عمري ضاع بيد مغليه
قلت ألسلامه مع بسمه وضيق المحاجر
وصاتي لا تنسى قلبي واللي خافيه
قال لي لا توصي مابقلبي غيرك حاضر
قلت البلا غايب والحاضر عارف مواريه
له تسع واليومه لي مدموغة العاشر
ماشفت اتصال ولا ادري وين أراضيه
حللاه لو اخذ قلبي لذيك المقابر
ابرك من نار شوق أشعلتها لي يديه
خلا فكري مابين إني حاير وصابر
مابين صمت لمشاعره والشوق يباريه
اليوم أنا ماني بصمت المشاعر
اليوم شاعر وبيح شي مما فيه
أبحرت في مركب شراعه بالجو طاير
من عاصفة هدت لي كل اللي بانيه
ساقني موجه لجزيرة وبركان ثاير
لفحه سمومه خلتني اصرخ وأناديه
وينك طول غيابك ماهو كلام شاعر
كلام وافي والوفا بد إني اداريه
جمعت الشوق بمركبي وقلت إني عابر
كسرت مجدافي وبركانه كل حي يمحيه
إلا حيٍ خلاني أخوض له هالمخاطر
ورده غرستها إيحاله نارها تجيه
عرفتو ليش نكي صمت المشاعر
لأني بصمتي كل شي حولي أراعيه

18-لك مساحه بلآ حدود وحرية بلا قيود امتعنا بقصيدة على ذوقك
حمد السعيد

هاك كل القصيد اخذه مثل ماتبي
والله اني اغبط الخاطر المستريح

كيف لاجيت بكتب أحترق بلهبي
شمعة ماتحس بعمرها من تسيح

كل شاعر ترى لو هو تشاطر غبي
يطرب الناس شعره وهو جروحه تصيح

خذ قصيد بدا قبل يخط شنبي
يوم الايام كانت مثل ريضان شيح

أه ياليت تجمع بعثرة مكتبي
والله اني نويت أبني لشعري ضريح

جم كتبت واكتبت ولا وصلت اطلبي
مدري العيب فيهم اوبطبعي صريح

كن الايام برد وهالقصيد أحطبي
الاماني رماد وها التوافيق ريح

بدل الوقت شكلي ولاقوى مذهبي
وادري ان الاماني به الزمن من صفيح

سهل ويا الصديق وللردي مصعبي
دون طيحة خويي والله اني لطيح

هيه يامن تفتش دفتري وشتبي
كل بيت يمرك اعرف انه جريح

وكان ماكفاك شعري يخلف الله تعبي
مايخلد ويبقى الا القوي والصحيح

يالقصيدة تثني واطربي والعبي
في زمان بوجهه اللي هقابه شحيح

دامها بالبدايه للنهايه حبي
لايغرك قوي العود باكر يطيح

والف شكر على الدعوه
واتمنى اني اجدت ولا بخلت عليكم بالقصيد مني ومن العملاقين
حمد السعيد
وصاحب السمو خالد الفيصل
دمتي يالغلا