يـومْ رآحــوآ ، خبريني يآلآمآكن في فرآقيْ أسترآحـوآ !!

مدخل :

يا أماكن
يوم راحوا !
خبريني ي الأماكن ...
في فراقي إستراحوا ؟
ولا تعبهم زمانن
مارحم رقة خطاهم !
وكتموا سر العلاقه
في خفاهم ...
آه مدري يا أماكن !
كل شي من جيت ساكن !
إنتي إنتي مارحلتي
يالأماكن ..ولا تغيرتي !
ولكن .. هم راحوا ..

إستريحي في عيوني يا منازل ذكرياته !!
واستبيحي صمتن أزرى عن عيوني لا يروح ..
هبت اوراق الشمال وجاتني تشكي شتاته !!
مالمحت بوجه أملها يوم تنخاني وضوح ..
يـّـا الأماكن خبريني ( ويش كانت أمنياته )
قلبن ليا جاك شاكي ينتفض حيره وبوح !
خبريني قبل يرحل ( وش تأمل في حياته ) !!
بشريني قولي إنه( بطل قليبه ينوح )!

يالأماكن ..
صدق راحوا !
وإنتهينا ..
بلا جدال ..
وعن هوانا ( كان باحوا )
ما بقى سر (ن) دفين !
في عيوني
بانوا أكثر !
وبقصيدي
حيل كاذب !
أنا ..
وليا قلت زاحوا..
مايغيبون
وغلاتك يالأماكن ..

بوح :
صاحت دروب !
صاحبي نقدر نتوب
لين صاحت بي صورها !
وصاحبي
لون الغروب ...
وكنت أجمع هالقصايد
كيف أتوب ..
وذنبنا فوق الأريكه !
شمعه
وضمه
وثوب
يحمل الماضي المعتق ..
يا صديقه
يا حبيبه
يا شريكه !
فالذنوب
علميني ! كيف أتوب ؟
وإحنا / إحنا
والدروب !
وصوت غيباتك
وحلمك !
والصغير .. اللي حلم بك ..
والخطاوي
يوم فاحت في جديلك !
والحنين اللي تمني
ينتمي لك
وش جديده !!
آه يامعنى انكساري
بإنتظارك
إسمعي آخر قصيده ...

كل الدروب اللي تقهوت خطاويك _
هزت فناجيل الشقا ف إنتظارك _
خبيت باكر داخل أبواب _ ماضيك _
وأسدلت في وجهي مواري قرارك _
أتعبت لون الصبح وأنا أنشغل فيك_
وأرهق سماي الليل بأحضان دارك_
حلمك ..طقـوسك ..إنتظارك .. أمانيك_
قلي : وربك وش عثى ب إختيارك_
غبت ورحلت وعاش فالجوف طاريك_
وانا انسكب لك بين بردك و نارك
خيبت قلبن عاش يرضي هقاويك_
وطاحت فصوله في زوايا مطارك_
الصوت راحت نبرته..( كيف أنـّاديك )_
عساه يلقى ريشتن من مسارك_
فيها من كفوفك _ عطورك واغانيك_
وفيها من وصوفك / حلاك وسمـارك_
وفيها من عيونك أمل عايشن فيك_
وفيها من أعماقك.. صور عن وقـارك_
ياليلة وصاله _حيت بي / طواريك_
لا عاد تشكين _ الوله _ وإنكسارك_
هذا المطر راقص سوالف_أساميك _
وهذا الشتـا مابين طهرك وعارك _
عزمت ألون _ لوحة أشياء تبكيك _
طغى السواد _بحزننا _ وإحتضارك_
سألت عنك _ هالسكك والشبابيك_
وأصحاب عمرك والمسافه وجارك_
رغم اني أحسدهم معاك و حواليك _
وأنا فراغ وصورتن في جدارك_
عشتي تضمين (البطا ) في مواريك_
وأنا أضمك عن شتاتك وأشارك _
في حفلة الكتمان ( غابت حراويك ) _
عن ضيقة الألوان قفى مدارك _
نمتي بدون أحساس وأنا أسهر أدعيك _
وإنتي صحيتي ( مورقه ) في نهارك_
كانت دموعك صوت لاقلت : مابيك_
أمزح _ أحب اشرب قساك و مرارك_
وإنتي نسيتي ( ضحكتك ) يوم أقهويك_
أطهر معاني هالقصآيد وأبارك _
عمرن يعيشك حب دايم يراعيك _
في جيتك في روحتك فإنتظـارك _

خروج :
من جديد
أرجع / ارجع من جديد
أسكب زلال القصيد
من وريد
إليا وريد ...
وإنتي ياحفلة دموعي
قولي / قولي !
( ويش عيد )





عيدها البارح بعيني!
وعيدي اليوم إنكسار ..
كانت تصب .. بيديني
يوم برد ويوم .. نار !
ورغم هذا .. تحتويني
علمتني ! كيف أغار ..
طفلتي كانك تبيني !!!
ليه أنا في ( إنتظار )



وبس خلاص !
ماتت أحلام الحروف
لا تحاول ..
ياكلام !

للشاعر \ عبدالله معيوف
- إعذروني ع طولهآ لكن سمآء هآلشآعر تمطر شعر آخر!