مكرونه بالروبيان/صينية سمك فيليه بالفرن / متبل روعه

السلام عليكم ورحمة الله

هذي اطباق منوعه سهله ولذيذه سويتها للعشاء في مناسبة كانت عندي
وحبيت اني انزلها لكم ,طبعآ انا كنت منزلتها باسمي الثاني ام تميم ولأني مسجله باسم ام سديم اضفته
طبعآ كان ودي اني اصور السفره كامله مع المشروبات بس مع الحوسه وترتيبها نسيت
والصياني صورتها بالمطبخ
والحمد لله مرررررررره طلعو لذيذات
هذي مكرونه بالروبيان لذيذه مررررره



الطريقه
نسلق المكرونه مع مكعب ما جي وفلفل اسود وملح واشوي زيت


نجهز الروبيان
انا استخدمت الروبيان المثلج طبعآ نغسله ونتبله بالليمون والملح والثوم وبهارات الروبيان
ونتركه ساعه
نقطع بصل وثوم ونحمسه مع الزيت
ثم نضيف قطع بطاطس مربعات صغيره وفلفل اخضر مقطع صغير
ملعقة كتشب وحبة طماط مقطعه صغير ونضع عليه نصف كا س ماء ونتركه يتسبك
ويستوي البطاطس
ثم نضيف لربيان ونحركه ونتركه عشر دقائق لأن الربيان ما ياخذ وقت على طول يستوي
ثم نصفي المكرونه ونضعها بالصينيه ونضيف الربيان فوقها نزينها بالبقدونس ثم بالفرن تقريبا ربع ساعه

صينية فيليه السمك بالفرن

الطريقه

نتبل قطع الفيليه السمك بابهارات السمك والفلفل والليمون والثوم والخل
نقطع بصل ونضعه في قاع الصينيه البايركس
ثن نضع معه فلفل احضرمقطعوممكن فلفل ملون احمر واصفر
ثم بطاطس مربعات صغيره او اي خضار حسب رغبتك بس انا احب البطاطس
ثم نصف قطع السمك
نقطع بصل صغير مع ثوم ويحمس ثم نضيف له طماط مقطع صغير وبهارات وملعقه معجون طواط
ونتركه يتسبك يعني سوي كشنه وخليها سايله اشوي لا تصير ثقيله
ثم تصب على الصينيه ونضيف عليها فنجان الشاي ماء
وتدخل للفرن تقريبا نصف ساعه ونزينها بالبقدونس
والله روووووعه هالصينيه وعليها طعم شئ ,,,,



وهذي طريقة المتبل الي انا معتمدتها عندي في المناسبات لذيذ مره ,, الكميه تقدري تنقصي او تزيدي على حسب الأشخاص
3علب زبادي
3 حبات باذنجان كبيرة مشويه سواء على النار او بالفرن
3ملاعق طحينه سائله
3ملاعق خل ابيض وعصير ليمونه
م ص ملح
رشه فلفل اسود
بصله واحدة كبيره مقطعه صغيرة ومقليه بزيت زيتون


الطريقه

نخلط كل المقادير مع بعض في الخلاط وصبيه في صينية التقديم ودخليه الثلاجه الى وقت التقديم وزينيه بالبقدونس
والليمون,,,,,,,