هالليل غير

هالليل : لمّة عاشقين ، وأغاني

هالليل : لمّة عاشقين ، وأغاني
وآمآل ... ترقى للسما ... في سكينه
ووجه الطريق إيذمّ سُمر المباني
تاهت مع الظلمه ... خُطى عابرينه ؟
جيتك مواجع في قصيدة عماني
وارث .. مخاف الله .... من والدينه !
تعبث به إيدين الزمان : الأناني
وياما عتق في الثلث الآخر ... يدينه !
أذكر حنين أمي لِ صوت الأواني
ودلالنا : الصُفر / الصغار / الحزينه ،
ماكنها الا صُبح عيد .. وتهاني
شابت وطاح بتربة الصدر ... تينه !
قلت أعبر حدود الشقا / للأماني
وأقطف لها من بهجتي ... ياسمينه !
كنت الفقير .. المغتني بالمعاني
طفلٍ غرس في روض شكّه | يقينه !
هذا البلد : نورس حزين ومواني
فيه الغلابى ... يحتسون ... الغبينه !
ماقسى من إنك لجل عينه | تعاني
غير الغرق وأقصى طموحك ( سفينه )
يابن الغياب إللي يدكّ .. المحاني
كم قلت : برد الشوق ... ديني ودينه
عطني من سنين المحبه .. ثواني
البعد جوع ... وقوت صبري عجينه !
شفني حديث الناس قاصي وداني
شاعر : نسى يطفي ... سجاير حنينه !
قلبه دلو واضلاع صدره | سواني
وجروحه الما ... والنخل رمش عينه !
لو قيل جاني قول : من صار جاني
هي : سطوة الدنيا / رحيلك / سنينه ؟
بعدك وحيد وغصن بلواي .. داني
ضميان عطف ... وصدّة الغيم شينه !
طل الشتا ولاجيتني ... وطل ثاني
وانا اخفي اوراق الأمل في [ خزينه ] !
لا الصبح قادر ياخذك لي عشاني
ولا الدرب لك : بستان من قمح وطينه
قلي : إذا مني [ برودك ] خذاني ..
كيف الدفى يطرق ... بيوت المدينه ؟
م.ن

جميل مآطرحته أنآملكـِ هنآ
رآق لي طرح سموكِ آلكريم

أنتقآء مميز أحرف أنيقه
أسعدكِ آلبآري

ريشتك ترسم لنا مدادا من الجمال الأبجدي

ما أروع قلمك سيدتي

تذوقت كل ماهو رائع من جنان سطورك

حروفك كنجوم السماء لامعه

بوحك فاخر وحسك مرهف

دمتي ياسيدة النبض


لروحك أكاليل البنفسج ...

معاند الجرح مرور اسعدني

حدائق البنفسج لروح

الحنون

مرورك
ك الغيمَه المحمله ب المطر ,

شكراً ولا تكفيك