 |
|
 |
رهين الشوق |
|
|
|||||||
| ~//.. استراحة رهين طريف.. مقالب... نكت ....للضحك والترويح عن النفس |
 |
|
|
2008-12-15, 02:05 AM
|
#1 | |
|
قصتي مع الـ bluetooth
سلاحف النينجا
 يؤ .. قصدي السلام عليكم  ينعن ام التهور والسرعه  زبدة الكلام .. ومن الاخير بقول لكم سالفتي اليوم .. بس اللي بيضحك لا يلوم الا نفسه كفوف على وجهه لين اورم خدوده .. ادعو لي هذا يا طويلين العمر والسلاحف اليوم كنت رايح اقدم على وظيفه جديده  ومتحمس مع راسي لابس بدله وكاشخ  حتى مدخل البلوزه في الجنز من الحماس المهم وصلت قسم التوظيف .. قالو لي بالعربي ( انثبر هناك لين يجي الموظف المسؤول ويسوي معك مقابله ) واتسحب شوي شوي فيه ممر كذا زي وجيههم فيه كراسي قعدت فيه .. دقيقه .. دقيقتين .. ثلاث دقايق .. طفش .. مرت نص ساعه وذا المعصقل ما جا شي طبيعي يطق عرق اللقافه اسحب الجوال وشغل البلوتوث  وتلفت يمين ويسار لحد يشوفك  طبعا قسم التوظيف فيه حريم ورجال اسوي بحث .. ما طلع لي احد ينعن ام الحاله وبعدين شسوي طفش  اسوي بحث مره ثانيه .. برضو ما فيه احد حذفت الجوال ع الكرسي اللي جنبي وحطيت رجل على رجل وقاعد ادندن وامسك خط ادندن واغني وناسه صدى كاني في حمام  شوي طفشت .. مسكت الجوال اسوي بحث مره ثانيه .. لعل وعسى وانا اسوي البحث الا فيه وحده دبيه جايه من بعيد طالعت فيها ورجعت اطالع في الجوال الا ( شوكلاته ) اخس هالدبيه حاطه النك حقها شوكلاته هههههههههه والله لانغص عليها حياتها ادخل الملفات واطلع صورة فراشه <<< يعني حسو ترا عندي صور فراشات في جوالي ارسل لها الصوره تستقبل جلست شوي يه يه يه .. شفيها ذي ما ترسل تتغلى كعبول  شوي ارسلت لها صورة بزر خدوده مو طالعه في الشاشه من كبرهم برضو ما ترسل طيب وبعدين .. طفش  شوي قعدت اقلب في الصور اللي مصورها انا بجوالي .. واطالع في وحده من الصور الا صورة كاكاو ينعن ام الفله جتني فكره <<< تعلمي ياغرور ادخل على الصوره .. تغيير الاسم .. ( هذا الشوكلاته مو انتي يا كعبول ) وارسل لها الصوره هههههههههههههههههههه ههههههههههه انا جالس برا في الممر واسمعها تضحك وتضرب ع المكتب .. طع طع طع .. .. عاد اترك لكم المجال تتخيلون هيا الشعيبي وهي ميته ضحك  بعد ربع ساعه طلعت من مكتبها لا تشوفون شكلي وهي تطالع فيني ..  طبعا ما اطالع فيها واسوي  <<< ينقال لي بريء شوي احس صار ظلام يا ولد ايش السالفه .. اطالع في جوالي مافيه ارسال .. وشصار ..  اطالع قدامي الا هي واقفه ياليل البلشه شكلها هالمره ما بتعدي على خير تطالع فيني وتقول : انت تنتظر احد هنا ..؟؟!! انا : ايه انتظر اللي اسمه نايف  هي : انت وش اسمك ..؟؟!! انا في بالي ( ينعن ام اللقافه ) : اسمي عبدالعزيز.... هي : اهااا انت عبدالعزيز .. طيب نايف ينتظرنا في المبنى الثاني بنروح له عشان نسوي مقابله اوليه .. معك مشاعل من شؤون الموظفين .. انا : عم <<< ابلع ريقي طيب مشينا .. وتتدحرج قدامي هالدبيه لين وصلنا غرفة الاجتماعات  تفتح الباب .. الا العصل نايف مرتز على الطاوله .. ومستانس بوجهه محلق قبل امس وينقال له ديرتي فيس ودي ارسل وجهه فاكس للامم المتحده جلسنا ع الطاوله .. ويجي المدير وتمت المقابله بسلام طبعا كل شخص يحط لي تقييم من عنده على حسب اللي يشوفه بعدين اللجنه تقرر .. خلصنا تقييم .. قام المدير طلع .. ونايف وقف يعدل شماغه قدام القزاز .. وهالدبيه تطالع فيني وترفع الورقه توريني درجاتي اللي هي حطتها لي .. تخيلو وشو كاتبه ههههههههههه كل الدرجات ( صفر ) هههههههههههههههههههه ههههههههههههههههوتطالع فيني وتقرب تقول : اجل انا دبيه هاه ..؟؟!! << طبعا في هاللحظه المدير رجع دخل الغرفه من صراخي وانا اضحك هههههههههههههههههههه هههههههههههههههههههه هههههههههههههههههههه ههههه هههههههههههههههههههه هههههههههههههههههههه هههههههههههههههههههه ههههه <<< شوي وينصرع عليهم من الضحك قلت لها خلاص انتي مو دبيه .. انتي راقصة باليه .. بس شيلي الاصفار يرحم امك  قامت تضحك وحطت قدام كل صفر ( 1 ) يعني صارت درجاتي كلها ( 10 ) مو ( 0 ) طلعنا مع الباب وهي تهدد .. ان قلت عني دبه مره ثانيه يويلك ينعن ام الحاله وش هالقراده .. من القهر رحت ركبت السياره واصرخ لحالي ( دببببببببببببببببببب بببببببببه ) وتوته يا توته خلصت الحتوته ما يستفاد من القصه : 1 - البلوتوث سلاح ذو حدين  <<< ينقال له فاهم 2 - مافيه ولا بنت في العالم دبه <<<< تأدب مع وجهه 3 - اذا رحت تقدم على وظيفة جديده خذ معك بلاي ستيشن لانهم بيلطعونك <<< حكم ودرر وتقبلو تحياتي |
|
|
|
2009-01-02, 12:28 AM
|
#5 | |
  
|
هههههههههههههههههه
بس مثل ما رهين |
|
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] *{[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]}* [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] *الحب : لآيمكن بأن نقول للحب حلال أم حرام لآن الحب أمر فطري يقع على الإنسان بغير إختيآرهـ د/سمآن ـآلعوده <!-- / message -->
|
|
2009-01-06, 09:20 PM
|
#6 | |
 
|
|
|
|
إن قـدر الله مـع الأيـآم نتـوآآجـه تمـر مثلـك مثـل نآس(ن) يمرونـي في عيوني تصير مآتسـوى ولآ حآجـه من عقب مآكنت تسوى الناس في عيوني
|
|
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض المتطور
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| برنامج Bluetooth PC Remote Control للتحكم في الحاسوب عن طريق هاتفك النقال | رهين الشوق | •₪ ملتقى الايفون - iPhone - اي باد - جالكسي Samsung Galaxy₪• | 2 | 2009-12-16 07:51 PM |
| قصتي مع انفلونزا ؟؟؟؟؟؟؟؟؟؟؟ | واثق الخطوة | ~//.. مساحه بلا قيود | 9 | 2009-11-26 05:09 AM |
الساعة الآن 05:41 AM