محتاج طاري فرح تدمع له عيوني

قلت الشعر من قلب صادق .. وحسّاس
ولا كسبت اليوم ما فات فـ أمسي !
مع إحترامي لـ المشاعر .. والإحساس
خاب الرجا فيها .. ولا صاب حدسي !
على كثر ما عشت افكر في هـ الناس
نسيت لو مرّة .. أفكر في نفسي !!


* * طـــاري فــرح..!


ماجيت أغني ( طـرب ) .. جابتنـي ( شجونـي )
[ وحيـد ] و النـاس فـ.. النسيـان , غرقانـه !

ألاقــي الـلـي يقيـنـه , يشـبـه .. ظنـونـي
و أضيّـع اللـي حمولـي .. فـدوة [ أمتـانـه ! ]

وراي [ بيـت الأمــان ] و رهبـتـه .. دونــي
خايـف لا أعـوّد ، و تتعـذّر لــي .. بيبـانـه !

أروح له في .. ( عجل ) , و أرجع على .. ( هوني )
يـا ليـت عنـدي جَلَـدْ و ابـدأ فـ.. نسيـانـه !

لكن , طبـع [ سيـرة أيامـه ] علـى .. جفونـي
مـن ويـن مـا ألـد شوفـي ../ بانـت أركانـه !

علـى مرازيـب سـوره .. ( ضحكـة سنـونـي )
و روحي .. [ خشب سقفـه العالـي و جدرانـه ! ]

أهيـم فيـه بـ.. عقـل ، و يهيـم بـ.. جنـونـي
لا رحــت أدوّر تفاصـيـلـي فـ.. عـنـوانـه !

[ اطلقـت حرّيتـه ] , كـاره مــن سجـونـي ..
و [ سجنت نفسي ] و ذكـرى الأمـس .. سجّانـه !

افلّـهـا كــل مــاْ أحبـابـي .. تناسـونـي !
وأقـول .. و ضلوعـي ( مـن الفقـد ) بردانـه !

محتـاج ( طـاري فـرح ) تدمـع لـه .. عيونـي
[ انـام بـه و افتـح عيونـي علـى احضانـه ! ]

و آحضنه وانا ابتسم ، و امسـح بـه ( طعونـي )
و [ العاري من الجـروح ] استـره بـ.. إردانـه !

و اشكر .. ( وقوفـه معـي ) ، ويكـون ممنونـي
علـى [ جزيـل الشكـر ] منّـي لـ.. عرفـانـه !

واكتـب لـه [ الشعـر ] ، و آغنّـي بـه لحونـي
و يصيـر [ وزن الشعـور ] و [ سبـك قيفانـه ! ]

و يبيـن بـي , ليـن فيـه النـاس ../ يلقـونـي
لا قيل ( وين السعيـد ؟ ) يقـال لـي ( عانـه ! )

لكنّـي , ارجـع مثـل مـا رحــت .. ماعـونـي
ينضـح , بـ.. شـح الزمـان الا بـ.. نكرانـه !

و ارجع أسافر , مثل مـا كنـت .. ( مـن دونـي )
[ رجّال ] كلمة ( ملام ) .. تمـوت فـ.. لسانـه !

ما قال لـ.. [ أجمـل أمانـي خافقـه ] .. كونـي !
( سعى فـ.. تحقيقها ، و ما كان بـ.. إمكانـه ! )


* * ســاعـي الـوقـت..!



كم لي وانـا مـا نمـت مـن دون تفكيـر
فـ/ الرايح من العمر .. وجروح الأحباب ؟!

شايف وساكـت ، وآتمنّـى ولا يصيـر ..
حتى رميت الحلـم مـن روس الاهـداب !

لا ردتـه كفّـي ، ولايـقـدر يطـيـر..
طاح .. ومشت فوقـه تباريـح وعتـاب!

واقفيت مثل اللي مواعد لـه بـ/خيـر..
كل يوم يسأل ساعي الوقـتوش جـاب ؟!

شباب ، وآفراحـه بـ/كـفّ المقاديـر..
من كثر ما علّق عليه االأمـل..شـاب !!

من يوم خـان الصبـح ..قلـب النواويـر
وانا فـ/ وجه الحلـم..قفّلـت الأبـواب!

ما عاد باقـي سـرّ ، ويضمّـه البيـر..
من يوم صار الصدر ..صفحة من كتـاب!

كل من عبر قـرأ وقلّبـه، مـن غيـر ..
لا يقطع الصفحـه، ولا يجيـر مرتـاب !

ولاّ النـدم باقـي علـى حالتـه ..مـيـر
ما عاد بهأصبع نـدم.. يجرحـه نـاب !

حزني ظهر في وجه حرفي وانا صغيـر ..
وشابت مفارق جملتي .. ما بعـد غـاب !

بين إني اسجـن فيـه، او منّـه آطيـر ..
يا فرحة الشامت .. ويا حزن الأصحـاب !

ما اذكر سوىصدقي مع الناس.. تقصير ..
من يومطاب العيش فـ/ عيـون كـذاب !

لكن على الله .. والحكـي فـ/ المدابيـر ..
علقـم ، ولكنّـه علـى شفاهـنـا ذاب!

الناس لو تقـدر مـن همومهـا تطيـر ..
كان امتلى صدر السمـاوات بـ/ اسـراب !