عزي لقلب صار همه مخاويه

عـزي عزي لقـلـب ٍ صــار هـمـه مخـاويـه
متعلـق(ن) .. لاهـوب شايـب ؟ ولا شـاب ؟
لاقــادر(ن) يـفـرح بـشــي ٍ يسـلـيـه
ولا قـادر (ن) يلبـس علـى حـزنـه ثـيـاب
راعـي الطمـوح يمـوت .. مـادرك مناويـه
لاخاسـر(ن) حلمـه .. ولا كاسـب اعجـاب !
لاهــو فقـدلـه شــي عـشـان يرثـيـه
ولا ظفـر فـي شـي يحسـب لـه حسـاب ؟
اقسـى عـذاب ؟؟ .. يخلـي الرجـل يبكيـه
عـذاب ! .. لكـن ! تتفـق فيـه الاسـبـاب
لامن عشـق حاجـه ! ولاهيـب فـي يديـه
لاصابـر(ن) منهـا ... ولا عنهـا تــاب ؟؟!
الـحـر وافـــي مـايـخُـون بـراعـيـه
حتـى لـو انـه ! .. دون راعيـه ينصـاب
لاضـاعـت الهـقـوه تـمـوت المشـاريـه
ماكنهـا الا ( ثـلـج ) فــي كـفـي و ذاب
خطـاي ! .. عطيـت الشنـب حـق يوفيـه
اليـن ! ماشفـت الـمـره ذلــت اشـنـاب
حتـى ردي الـسـاس ! يفـخـر بماضـيـه
في وقت ؟ .. ساوا النـاس مابيـن الانسـاب
وش عـذر ؟ مـن صـدق كــلام ٍ يغـذيـه
لاصـار منهـو يدعـي الصـدق ؟ .. كـذاب
علمـت نفسـي درس ! .. مانـي بناسـيـه
ماقيـل لــي ولا حفظـتـه مــن كـتـاب
لاحـدنـي وقـتـي عـلـى شــي مابـيـه
اعـز نفـسـي ومـنـة الـنـاس بـتـراب
الله يـرجـع كـــل غـالــي لغـالـيـه
والله يــرد الشـمـل مابـيـن الاحـبـاب
اللـي يبـي الفرقـا ! .. عسـى الله يهنيـه
مـانـي ورا المقـفـي مـطـارد وطــلاب
لـو كـل مـن قـفـى ! بتـبـع خطـاويـه
مافارقـت عينـي موالـيـف واصـحـاب !
ياصاحبـي .. ماعـاد لـي شــي اداريــه
بينـي وبينـك مابـقـت كلـمـة عـتـاب !
اللـي يحـز بخاطـري ! .. لـيـه احاتـيـه
ماهـوب يستاهـل شقـا وحرقـة اعصـاب !
الظن لامـن خـاب ! .. لاتقـول لـي : ليـه
وش فايـدة ؟ .. تفهيمـك الظـن لاخــاب ؟
كنت احسبك ( بستـان ) محـدن يجـي فيـه
واثـرك ( محـلٍ) ينبنـى فوقـه اطـنـاب
امووووت ضامي ! .. واحضن ( الهم ) واخفيه
ولا آرد ( المـا ) .. لاشربـت منـه كــلاب
لـو كـل شـي بخاطـري ,, رحـت اسويـه
وش عاد ابسـوي .. اذا خاطـري طـاب ؟!

ابدعتي عزيزتي عاشقــــــة
صح لسانــــــــــــــكــ

صح لسانك عشوقة
دمتي بسعادة

روعه
يعطيكي الف عافيه
تحياتي لك

عاشقة الدموع

ما كتبتي كان عبارة عن كلمات جميلة في ليلة مقمرة على ظهر سفينة مبحرة في عالم الخيال تحت نور الشموع

أبحرت معك فوجدتك مع سياح سفينتك اللذين شغفهم صوت الناي المنبعث من سفينتك المبحرة

لقد سلبتي ألباب من سمعك وهنأ من جلس إليك وأطربتي من قرأ لك

أبدعتي ايتها المبدعة المتألقة دائما

اشكرك وأهديك حباً لك وحدك دون سواك لعله يبقى معاك في سفينتك يبحر معك أشكرك