عمرين اصب الدمع في كاسة الشاي ..!

عمرين اصب الدمع في كاسة الشاي ..!




لو مااطربت هـ الجرح ترنيمة بكاي
........................ ماحسّت قلوب البشر في .. كلامي

وماكان شعري لـ انسكب كنه الماي
........................ لو .. ماسقاهم مافقدت .. احترامي

ادري دموعي تختنق في مراياي
........................ وادري طعونك مثل .. قسوة نظامي

لي طيشي ولي حكمتي لي خطاياي
........................ لي اسم غير الناس .. غير الأسامي

صحيح محتاجك وابي شخص وياي
........................ في غربتي في / وحدتي في ظلامي

والبارحه مريت وتثاوب الناي
........................ كانت سواليفك مطر كنت سامي

ماقلت لي في اول السالفه جاي
........................ وماقلت لك في اخر الوعد ضامي

رتبت لك موعد لقا في حناياي
........................ وزينت لك صـدر انينه / عصامي

ذبلت مواعيدك وذابت وصاياي
........................ وللحين كذبـة جيتك جرح دامي

ليه انتظرتك تسأل العين شـ الراي
........................ واغص واشرع واصرخ بغيض نامي

وحدي اسولف لي ولا اسمع حكاياي
........................ واتخيل انك جيت .. واقف امامي

عمرين اصب الدمع في كاسة الشاي
........................ واشرب غيابك لين .. تثمل عضامي.!

شقول للغرفه شـ جاوب هداياي
........................ شقول وشموعي طفت كيف احامي

هذا الشتا وش قصته في خلاياي
........................ ياما توسلت المسا كون .. حامـي

ابيك تلمس لهفتي في شفاياي
........................ وشلون ماحسيت / حرقة سلامي

كتبت لك كل الحكاية مع اشياي
........................ وضاعت رسايل هالمسا من .. حمامي

كتبت لك يابعد ليلي ومغناي
........................ اشكثر ابيك ومايهمك .. غرامي

وانك سبب حزني وترنيمة بكاي
......................... واني بسبب جرحي كسبت احترامي

لي طيشي ولي حكمتي لي خطاياي
........................ لي اسم غير الناس .. غير الأسامي

الله عليك كبرياء
إختيار عذب جدآ
صح كلك ولاهنت ِ

شآكرهـ لكـِ ع المرور ألاكثـر من رآئع,وْلـآهنتِ ي الغلآ
مـودتي..

مؤلمه

سلمت الأيادي على الطرح ..

تقبلي اطلالتي

شآكِرهـ لكـْ عَ المُرور ألاكثَـر مِن رَآئع,وْلـآهنتْ خيوٌ
مـَودّتِي..

-

شآكره لك آلق طرحك ..
.}