بين الرجاء واليأس

لاتنشغل فينـي أنـا بحالـي أدرى
قلبٍ تعلّق فيك ماينسى مـع الوقـت

أكثرمن اللي صار لي ويش يجـرى
بين الرجا والياس فكـري تعلّقـت

مثلي ولوشفته عن همومـه أزرى
ماقال ليتك فـي جروحـه ترافقـت

هاك القصايـد لاتضايقـت واقـرا
شف وشكثر فيها لبسماتك اشتقـت

أثرالوفا ينبـاع عنـدك ويشـرى
ماكنت أصدق فيك واليوم صدّقـت

يامشتهي فرقى المواليـف حـذرى
تبعد وأنا من سكرة الحـب مافقـت

لاطافت الفرصة تحريـت الأخـرى
وتـروح ماكنـي عليهـا تشوقـت

ساري لو إن الليل مافيـه قمـرى
أشيل من حمل الهوى فوق ماطقت

لاصارحظ أقشـر والأيـام قشـرى
مافيه أحد عاقل يلومك إلى ضقـت

صحيح بعض الناس فرقاه بشـرى
وبعض البشرلا غاب ليلة تضايقـت

ليتك خذيت بليل الأحبـاب مسـرى
غربت من كثر الطواري وشرّقـت

السيل يبقى له على القاع مجـرى
ويبقى لك التذكار لو كنـت فارقـت

أشوف لك من وين مارحت ذكـرى
ولا شفتها صديت عنهـا ودنقـت

ماكل جـرحٍ لا خـذ أيـام يبـرى
بعض الجروح يزيد شره مع الوقت!

ماكل جـرحٍ لا خـذ أيـام يبـرى
بعض الجروح يزيد شره مع الوقت!

صح لسااااانك
ابيات روووووعه
يعطيك العافيه

أثرالوفا ينبـاع عنـدك ويشـرى
ماكنت أصدق فيك واليوم صدّقـت

يامشتهي فرقى المواليـف حـذرى
تبعد وأنا من سكرة الحـب مافقـت


صح لسسسسسسسسسسسسانكـ و اعتلى شانكـ

شكرا من الاعمااااااااق

كلماات آليييم بجد

جت ع الجرح

ربي يسعد ايامك دمت وسلمت ولا ندمت

يعطيك العافيه
أبيات جدا رائعه أمتعتنا بقرأتها
لاهنت يالغلا عالطرح
تحياتي