وش لك بحالي وقلي وش هي أحوالك
إترك علومي وسولف لي عن علومك
عن جرحي اللي مضى لاينشغـل بالـك
تعـال كـمّـل بحـضـن المهـتـوي نـومـك
أنـا علـى حـد خبـرك ارجــي اوصـالـك
كلـي أمـل يـوم أحقـق فـرحـة قـدومـك
غـالـي ولازلــت فــي حـلّـك وترحـالـك
رضيـت باللـي عطانـي منـه مقسومـك
بالعـيـن وإلا تـــرى بالـقـلـب مـنـزالـك
وسـط الحنايـا تراهـا تومـي رسـومـك
تدري بهالكـون يصعـب عنـدي أمثالـك
يديـنـك المـسـك والريـحـان بكـمـومـك
ليل وقمر مجتمـع فـي وجهـك وشالـك
مثـل البـرَد لاتبـيّـن ضــوح منضـومـك
مـافـي خفـوقـي فــرح إلاعـلـى جـالـك
مـابـل ريــق المـولـع غـيـر ديـمـومـك
عطـشـان لــي مــدةٍ مـاذقــت هـمّـالـك
يسقي ملاهيـث شوقـي بـارق غيومـك
لاتبتـعـد وإنـــت تـــدري إنـــي ظـلالــك
كـل المشاعـر تمـيـل بــورد يشمـومـك
فــي غيبـتـك كــم تمنـيـت إنــي قـبـالـك
المـس بـصـدر الليـالـي آخــر حلـومـك
لـك يـمـة الفـكـر والإحـسـاس يبـرالـك
وش لون مدري ولكـن هـذي سلومـك
مـافـيـك حـيـلـة ودايـــم طـيــبٍ فــالــك
حتـى لوإنـك نسيـتـن صــدق مالـومـك
عساي أحقـق رضـاك وآكسـب آمالـك
إنـت الـرضـا لايتغـيـر فـيـك مفهـومـك
لاتنشـد الحـال قلـي كـيـف هــو حـالـك
أخـاف تـدري وتكـثـر عقـبـي همـومـك
عـسـاك تـبـقـى بـقـربـي دوم وأبـقـالـك
يا نبض حرفي عسى يومي قبل يومـك
رهين الشوق
2015-08-12, 04:49 PM
ياَنبض حرفي عسى يومي قبل يومك
رد: ياَنبض حرفي عسى يومي قبل يومك
العرض المتطور
المواضيع المتشابهه