شفت الفرح في ساحة الحزن مذبوح

مدخـــل ..:..:.

ياخوي همي هم وجروحي جـروح
وشلون أبنسى والليالـي جروحـي

ضايق وانا من زايف الوقت مجروح
ومن لوعة الأيام عايـش بروحـي

~~ ~~
ما ودي أحكي عن همومي ولا أبوح
إلا لولي العـرش سـدي وبوحـي

تخنقني العبرة على صوت مبحـوح
وأكنهـا دمعـه بعينـي تفـوحـي

وأحسها دله علـى جمـر وتفـوح
وتذوب من حر المعاليـق روحـي

هذي المواجع أحسبه يوم وتـروح
أثر المواجع لا لفـت مـا تروحـي

حتى بنت في خافقي برج وصـروح
عن قمتي ما سولفت لك سفوحـي

والنوح من نوح الحمامه على الدوح
محدٍ عرف ليـه الحمامـه تنوحـي

مدري طرب وإلا من أحزانها تنوح
يااخوي قم ياخوي واصدح بدوحـي

قصه مثيره في جسدهـا نفـذ روح
يا للعجب كم كنـت فيهـا لحوحـي

طفلٍ حياته لعب وصـراخ ومـزوح
واليوم جد الجد مـا بـه مزوحـي

أرسم وألون صورتي لون مفتـوح
وألقا غموضي في ملامح وضوحـي

عجزت أبفهم قصتي درس مشروح
غايه تبـدد فـي مداهـا طموحـي

كلي طلاسم غامضه بوجه مفضـوح
وأصد عن عين الفطين الفضوحـي

دقتني الأيـام مسمـار فـي لـوح
لين أرتكز مسمارها وسـط لوحـي

دنيا ظلام وليـل مـا بيـح البـوح
والصبح في شمسه بخيل وشحوحي

شفت الفرح في ساحة الحزن مذبوح
منظر كئيـب بحالـة الـذل يوحـي

دقتني الأيـام مسمـار فـي لـوح
لين أرتكز مسمارها وسـط لوحـي


البيت هذا معبر لأبعد الحدود ..

لا عدمناااك عاشقه ..

رووووووووووووعه

ذوووق ياكل الذوق

راائعه ياعسل

بسلمووخيتوو

لاهنتي}