تدري خفوقك بالفراق وش هداني

الوقت وقتي والزمن ما صفالي والعمر رحله واتعبته المشاوير

كلي حلالك وأنت كلك حلالي لكن وربي حظنا ما هو بخير

حاولت لكن ما جرالك جرالي مات السنع في وجه قل التدابير

فلا تزعل إليا قلت مالك ومالي دام الأماني غير وأحلامنا غير

ودام الحزن بالحب فالك وفالي خلنا نتفارق والبقى للمقادير

أدري فراقك صعب ويهد حالي وأدري فراقي صار من قبل لا يصير

ما كنت أبي فرقاك بس الليالي تسير أحلامي على عكس ما أسير

تدري خفوقك بالفراق وش هداني أهدى يديني وردتين مع طير

ورحت بفراقك والهدايا قبالي ومات بيديني وردتين وعصافير

يمكن يخون الود لا من طرالي لكن وربي ما أخونك مع الغير

أبطلبك حاجة وأمانة إذا لي معزه وخاطر وحشمه وتقدير

تكفى بغلاة أمك إذا كنت غالي لا جيت في بالك تذكرني بخير

يعطيك الف ععآفيه ععلى جمال الطرح ..
بآنتظار جديدككِ القـــآآدمم ..
دمت..

طرح مميز وراقي
سلمت الايادي

شكراً لمروركم أيها الأصدقاء الرائعون لكلماتكم وقع المطر على أرض مجدبة