محمد بن ساقان (أعذارك)

صباح عيون نورك لا بزغ طاريك
وصحى من بلابل غيبتك عيني
تذكرتك عمر والسالفه ترويك
علي كل ما قعدت اقلب سنيني
سنة كنت اسكب عروقي مع ساقيك
عشان لا لهفك الشوق ترويني
سنة كان الهوى غصنن علي حانيك
تدلى لين ضميته بكفيني
سنة كان العمر يرقص على كفيك
سنة كان الغياب اخر عناويني
ورحلت وصورتي في تلويحات ايديك
كاني لوحه بكفك وتمحيني
تلوح بالوداع وانمسح غاليك
وانا الوح بتكفى لا تخليني
بلاي اني اشوفك بالخفوق وفيك
خفوقن ما يناظر يوم وش فيني
دخيل الخنجر اللي ما ارحمت مغليك
تكمل ما بقى بي لين تنهيني
تبعتك لين شفت الزمن ينهيك
بعيني
قلت اغمض بك على عيني
وانا من مر صوتك في ثغر ما ابيك
تزملته وهو ما عاد يعنيني
ترى لو انك تهجى صورتي يمديك
قريت اللي اسولف به على ايديني
تنطح غيبتي والله لا يعطيك
سوى حبن ربى من بيني وبيني
ترى دربن دعاني راح لك يدعيك
بلاقيك بطريقه او تلاقيني
لذا ما جيت اسال الغلا وش فيك
انا جيت اسالك بالله وش فيني
كثر ما قلت ابشطب صورتك وأمحيك
كثر ما قمت أبروزها على عيني

صح لسانك
ابيااات رائعه
الابداع والتألق في طرحك..
سلمت آنآملك على هالطرح الرآآقي..
تشرفت بالمرور بمتصفحك لاستنشق عبير إبدآآعك..
كنت هنآأإآ ........

قـصيـدة رائـعـة وجـميلـة ..
وحبيت اقتبس منها آبيات كثر
بس ملت كثير الى

دخيل الخنجر اللي ما ارحمت مغليك
تكمل ما بقى بي لين تنهيني

ويعـطيـك العـافيـة ..
وبـارك الله فيـك ..
ننـتظر جـديدك بكـل شـوق ..
دمـتي بخيـر ..

الله الله .. على الذووق الشامخ ..

تسلم يديك ..