أنا صدري وطن هآلك من التغريب والقسوه ..!

على يْدينك إذا فِعلاً تقول الدنيا ذي حلوه
........ أنا ما ظنّ غير إنّك تحاول تقتل أحزاني

تعال و شوف بْعيونك بقايا خيبة الهقوه
........ تعال إسمع نحيب الحرف إذا وقّف على لْساني

جيوش الآه بْضلوعي تشنّ سْيوفها غزوه
........ تهاليل الصبر خانت ورُمح الياس أدماني

على كلّ الدروب اللي مشيت تْصيبني كبوه
........ وقفت و ما لقيت إلاّ يدّق الجرح بيباني

معاني الضعف بأعماقي تزيد و تكبر الخطوه
........ بعيد إن قلت بسّ هانت بديت أوصل لـ عنواني

انا صدري وطن هآلك من التغريب والقسوه
........ انا من نامت الفرحه على ترنيمة أشجاني

أنا منهو وصل مثلي فـ إرهاقه إلى الذروه ..!
........ أنا من صارت هْمومي تضايقني فـ شرياني

عجزت إنّي في ذا الدنيا ألاقي للأمل صحوه
........ متى بلقى و لو مرّه عطايا غير حرماني ..!

تيّقنت بْردى وقت ٍ يحطّ أقداره بْـ عنوه
........ عيوني تشهد و دمعي يزيد فقوة إيماني

تحمّلت الألم لكن بديت أتعب من الصطوه
........ كثيف الكبت بي يمكن يوصّلني لـ طغياني

عليم الله مجبوره أضيق وتجهش البكوه
........ غصب عني بديت أشكي بعد ما فاض كتماني

على يْدينك إذا فعلاً تشوف الدنيا ذي حلوه
........ مع إنّي أدري بْجهدك لجل تنهي لي أحزاني

بـ قلم : شموخ آلفهد ~

انا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]وطن [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]من [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]والقسوه
........ انا من نامت الفرحه على ترنيمة أشجاني

أنا منهو وصل مثلي فـ إرهاقه إلى الذروه ..!
........ أنا من صارت هْمومي تضايقني فـ شرياني

رهينه ...


حضور احسساسك ِ مختلف..
صح نبضك ِ
ولاهنت ِ

؛؛[‘‘*’’]؛؛
نُورَهـ
يصح بدنك ‘‘
جلّ شُكري وـآمتنـآني لـ حضورك
‘‘||’’

انا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]وطن [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]من [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]والقسوه
........ انا من نامت الفرحه على ترنيمة أشجاني

أنا منهو وصل مثلي فـ إرهاقه إلى الذروه ..!
........ أنا من صارت هْمومي تضايقني فـ شرياني

عجزت إنّي في ذا الدنيا ألاقي للأمل صحوه
........ متى بلقى و لو مرّه عطايا غير حرماني ..!

لهذا الابداع لمسه سحرية ذات معنى جميل
طاب ذوقك وسلمت يمينك على هالذائقه
تقبلي مروري المتواضع }