كني ظلاله

ليت الهوى مافيه فرقا ' و لا حزن وادموع زرقا ..
اللي تخلي العين غرقا ' ( وتذكرك لا صرت داله )

فرقا الوليف اللي تحبه ' لا فارقك من دون سبه ..
وماخاف فيك الله ربه ' ( و لا تهيا لك و صاله )

يا دمعتي بالله كفي ' و ياضيقتي بالله خفي ..
الصدر فيه اللي يكفي ' ( والقلب فاقد راس ماله )

الليل لا هبهب نسيمه ' ترى عواقيبه و خيمه ..
المشتحن بيذوق ضيمه ' ( من واحدٍ قفى بفاله )

وانا لامن هب الهبيّب ' على شوي شوي اغيّب ..
في ذمتي مانيب طيّب '( ولا هقيت انها سهاله )

الله ياذيك . الليالي ' اللي مضت ياويل حالي ..
قبل الهوى يقفي بغالي ' ( وموادعه ماجاء مجاله )

اضيق واهوجس واغني ' واهتم واحاتي واوني ..
من واحدٍ من راح عني ' ( لي حالتن ماهيب حاله )

من بعد ماشتاء وقيض ' في قلبي اللي له تهيض ..
اموادعه ماهوب ريض ' ( ومنول اقول استحاله )

يجفاني ويرحل فديته ' وانا ماخون اللي هويته ..
ومن بين خلق الله شريته ' ( ولا يحل أحدٍ بداله )

يا حيه و ياحي عاما ' يوم الغلا والشوق لاما ..
محبتن فيها اهتماما ' ( للي عنا لي واعنا له )

ابيه يرجع لي تراني ' من سبة الفرقا معاني ..
واعاهده لامنهْ جاني ' ( لامشي معهْ كني ضلاله )

غيابه الزايد تعدّى ' اكثر من الواجد وجدّى ..
ان طول غيابه ترّدى ' ( واذا رجع سوى جماله )

أبدآع مرفق مع متصفحك
يعتلي القمة ..~
رسمت لنا للآبدآع صورة تميزت ألوآنها
سلمت الانامل ويعطيك العافيه

انسكاب رائع من من عذوبة ابداعك
سلمت يمينك وبوركت جهودك القيمه
تقبل مروري بين طيات حروفك

طرح راااقي جدا

اسسلم الايادي