ياخاطري

يا خاطري مايفيد الضيق والحسره ..

والحزن قتّال لاهبت أعاصيره ..

لاتحسب الي جرى لي بالهوى كسره ..

الغصن عايش ولو طارت عصافيره ..

ياصاحبي من سوايا القلب لا تشره ..

القلب باقي على ذكرى مسااييره ..

من قسوة البرد عندي للدفا جمره ..

جمرة غضى تشتعل بالهم والحيره ..

احيان اشوف الخفوق يحب مايكره ..

واجيب لجله عذر واقبل معاذيره ..

واحيان اشوف الجفا يطغى علا صبره ..

يهز عرش الضلوع ومالقا ديره ..

ياويل قلبي بترحل كمل السهره ..

ماراح تلقى من الأحزان تأشيرة ..