هـمٍّ بقلــبي لو قسمتــه عــلـى الـناس

هـمٍّ بقلــبي لو قسمتــه عــلـى الـناس
تسمــع جمـيــع الناس مـنـّه يصيحون

لابـاس ماصـابــك مــن الهـــم لا باس
واصبركما يصبرعلى الحبس مسجون

الخلــق ضايـق و الحشا صايــرٍ كاس
يجمع مرار الوقت ويسقيني بالهــون

يا الله يا منــزل من الحــق نــبـــراس
تضوي بها دروبٍ بها الناس يمشون

يا خالقٍ هالـكـــون كـلــه على ساس
يا منفــذٍ امــرك مــن الــكاف لـلنــــون

ترحم سحاب اللي من الضيق محتاس
ودمــــــوع عيـنــه من سببــها يهلــون

حاولــت أخـفّـي زايد الضيـم والباس
بين الضلــوع و خايف النــاس يدرون

بس الحمل أثقل من طـويـق بقـياس
والهــم حملــه مثـقــل الـلي يحملون

ونشد عن هموم الدهـر صاحيـن داس
ينبيك بسهــوم الـدهـر كيـف يسطـون

والجرح ون صابك من الناس لا بـاس
سيف البعيد لو هو سطا غير مسنون

بس البــلا ثـم الجــلا وزهق الانفاس
لاجــاك البــلاء مــن قـرب القريبيــن

قصيده جميله وأليمه جدا
بوح مميز
لقلبك🌹👍

والجرح ون صابك من الناس لا بـاس
سيف البعيد لو هو سطا غير مسنون

بس البــلا ثـم الجــلا وزهق الانفاس
لاجــاك البــلاء مــن قـرب القريبيــن



صح لسان شاعرها وسلمت ع الاختيار ..

لاعدمنا جديدكـ ..

اسعدني مروركم
الله يوفقكم

طرح راقي وجميل
يسلم الايادي

يعطيك العافيه

الحب الكبير كلمات ابهرتنا وراقت لنا ابداعك وصل القمم كنت هنا اتذوق الشهد