الصداقه ماهي كلمه نقولها بزوال

إشرايكم بالصداقه .. أدري أجمل وأصدق احساس
حلو إن يكون عندنا اصدقاء يخلصون ويوفون لنا
لكن شي محزن لما تجيك الطنعه من ورى ظهرك من أقرب الأصدقاء ....
...إليكم هذه القصيده ..

ياخوي ياكثر الهواجيس بالبال
...................... ياليت بفراق الهواجيس ساعه
ينساح بال من همومي وولوال
...................... متصدعه راسي وزايده صداعه
ضاع عقلي من كثر ماشفت من اهوال
...................... وضاق صدري بالفضا ب اتساعه
اصحابي استهزؤا على عقلي ابمال
...................... سهيت وكانت الأوامر مطاعه
اصحابي ما انفعوني بضيقة الحال
...................... جيتهم .. وقالوا مافينا استطاعه
اخذوا مطالبهم بخسة انذال
...................... جوني بمكرهم طالبين الوداعه
متعشمين بكلمة ردا مني تنقال
...................... لكني اكبر من خبثهم واتباعه
الكلام ماهو قول لكنه افعال
...................... وبكلمني عزتي وكفايه اني شجاعه
ماعمر الحياه احكمتني انا اللي احكمها بحبال
...................... ولا بدنيتي تشرق الشمس لين ارسم شعاعه
كم انسان نال غايات الآمال
...................... وكم جزوع اكسرته الجزاعه
اما انا ما كسرني غير صحبة الأهبال
...................... ماكسرني غير نفاق المشاعر بصدق اجتماعه
الصداقه ماهي كلمه نقولها بزوال
...................... الصداقه مشاعر مستمره دون انقطاعه
الصحبه ماهي منفعه او لعب جهال
...................... الصحبه عزوه بالشدايد بوقت الشناعه
ياخوي بهالزمن صرنا بغابه كلها أشبال
...................... ماتعرف عدوك من صديقك وشنهي طباعه
العدو لو طاح حيلك عمره ماشال
...................... والصديق ماعاد يثنيلك لو طويله ذراعه
خاب ظني ب أصحابي يوم اقول فيهم امثال
...................... ماكنت احسب انهم بدرب الغدر والصياعه
كنت احسب انهم صحبتي لكنهم عذال
...................... كنت اقابلهم بوجه سموح وبوجيههم الخداعه
اجتماعهم بالنميمه والقيل والقال
...................... وب علوم الفضايح يستلذون استماعه
اصحابي لو فيهم خير وطيبين الأعمال
...................... ماكان كشفلي خبثهم راعي الشفاعه
اصحابنا هالوقت ياخيبة الفال
...................... يلعبون بحسبتك ويرمونك بأسفل القاعه
ياخوي لو في صاحب وافي بهالزمن ومازال ؟
...................... اضحك بوحه الزمن واغسل اشراعه
وإياك يغشي الهم بالك لا جاك مرسال
...................... يعلمك عن غدر الصاحب ورباعه
خلك مثل الجبل لا يهزك لاريح ولا تنحال
...................... ولا يجرك جزر البحر ولا مد صاعه
ارخص الغالي لروحك ولا تعيش بذال
...................... كله لشان عزتك والعلا وارتفاعه
ياخوي ما وصيك عز النفس بكل الأحوال
...................... كله ولا غنا النفس وكنز القناعه
شفت الوقت كيف راح هالوقت مافيه اعدال
...................... ضاع الكلام وانطفى النور وشعاعه
الله من كثر الهواجيس بالبال
...................... ياليت ياليت بفراق الهواجيس ساعه