عــزيـــــز الــنـــفــس

والله وصرت تمون يـا مايـس القـدّ
من قلت : "احبك".. والحكي ما تردّه

لا..لا تغـرّك طولـة البـال والسـدّ
القلـب شكلـه قـرّب اليـوم سـدّه

أنا عزيز النفس لا جيـت لـ(الجـدّ)
واللي تمـادى يقضـب اليـوم حـدّه

صحيح صعبة ابنـي الحـب واهـدّ
لكن تـرى لا ضقـت والله لا اهـدّه

مهوب انا اللي يرفـع بوجهـك اليـدّ
وْلا عاش من يرفع علـى بنـت يـدّه

لكن بـ(اروح) ولو غشى دمعك الخدّ
بـ اقول : "وينه غايبٍ فيـه مـدّه"؟!

يوم الوصل مـن بيننـا حبـل ممّـدّ
ترخي وانا ارجي منـك يـومٍ تشـدّه

بعد المذلّـه جيتنـي اليـوم بتشـدّ؟!
خلاص انـا فكّيـت حبـل المـودّه

ما دام به نـاس عـن الديـن ترتـدّ
وش يضمن انه ما يجي منـك ردّه؟!

صحيح صعبة ابنـي الحـب واهـدّ
لكن تـرى لا ضقـت والله لا اهـدّه


هذا بيت االقصيده

روعه هالبيت كيان

يسلم ذوقك

صحيح صعبة ابنـي الحـب واهـدّ
لكن تـرى لا ضقـت والله لا اهـدّه

يعافيك ربي على هالإنتقاء الجميل

نورة

أثلجتي صدري بمرورك العذب و الراقي ..

رهين ...

منور يالغالي ..

لا عدمتك ..