مابرى الجرح الاول كيف يبرى الجديد

هاك ذكراك من ذكراك ويش أستفيـد
كافـي أن المشاعـر هايمـه كلّـهـا



ودي انساك والنسيـان ماهـو اكيـد
كيف ابنسى عيون(ن) رمشهـا ظلّهـا



من هك اليوم وانت اللي بعيني وحيـد
ماخبرت العيـون تمـل مـن خلّهـا



مير نفسي عزيزه وانت رايـك عنيـد
والنفـوس العزيـزه ماتبـي ذلّـهـا



ليه تعطيني الدافـع واقـول القصيـد
ليه صفحـه غرامـي ترجـع تفلّهـا



ليه ترجع على الماضي تزيـد وتعيـد
وانت من عـام [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]عاجـز تحلّهـا



مابرى [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]كيف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]الجديد
شوف حالي نزيف جروحهـا سلّهـا



كل ماشفت لك ذكرى وربـي شهيـد
كـن نـزاع روحـي بالحفـا تلّهـا



اندفعـت لغرامـك يالغـزال الفريـد
و الغـلا لـه دروب خاطـري دلّهـا



فرحتـي باللقـا رغـم انهـا ماتفيـد
فرحـه القـاع لامـن المطـر بلّهـا



وش بقى يالسراب اللي قريب(ن) بعيد
المحبّـه وراحـت وانتهـى حلـّهـا



لو كـل(ن) بكيفـه ياخـذ اللـي يريـد
كان ماشفت ناس تمـوت فـي غلّهـا



هاك فرقاك خذها خـلّ قلبـك شديـد
خلّهـا ماشيـه بحمولـهـا خلّـهـا



كـلّ مـازاد تعذيبـك ذنوبـك تزيـد
الله اعلـم صلاتـك باطلـه كلـّهـا

الشاعر

متعب التركي