دوس المخاطر ولا تخشـى عواقبهـا

*********************
الارض لله نمشـي فـي مناكبـهـا
والله قـدر لـنـا ارزاق واجـالـي
حـث المطايـا وشرقهـا وغربهـا
واقطع بهـا كـل فـج دارس خالـي
واطعن نحور الفيافـي فـي ترايبهـا
وابعد عن الهم تمسي خالـي البالـي
من فـوق عمليـة تقطـع براكبهـا
فدافـد البيـد درهــام وزرفـالـي
تبعدك عـن دار قـوم ودار تقربهـا
واختـر لنفسـك وللمنـزال منزالـي
لو مت فـي ديـرة قفـرا جوانبهـا
فيها لوطي السباع الغبـس مدهالـي
اخير مـن ديـرة يجفـاك صاحبهـا
كم ذا الجفـا والتجافـي والتعلالـي
دوس المخاطر ولا تخشـى عواقبهـا
تسعى على الرزق ماحت للاشبالـي
والشمس في برجها والغيـم يحجبهـا
قفي وتقبل لها في العـرش مجدالـي
رب السماوات يامحصـي كواكبهـا
يا مجري السفن في لجات الاهوالـي
ضاقت بنا الارض واشتبـت لهايبهـا
والغيث محبـوس يـارزاق ياوالـي
يالله مـن مزنـة هبـت هبايبـهـا
رعادها بات له في البحـر زلزالـي
ريح العوالي مـن المنشـا تجاذبهـا
جذب الدلي من جبا مطويـة الجالـي
ديمومـة سبلـت والاخـت ذوايبهـا
وانهل منها غزيـر الوبـل همالـي
تسقي ديار شديـد الوقـت حاربهـا
ما عاد فيها لبعض النـاس منزالـي
يا جاهـل اسمـع تماثيـل مرتبهـا
فيها معانـي جميـع القيـل والقالـي
مثل المحابيـب زادت فـي قوالبهـا
في صرفها زايدة عن قرش وريالـي
يـارب توبـه وروحـي لاتعذبهـا
يوم القيامـة اذا ماضاقـت اعمالـي
وازكي صلاتي على المختار واوهبها
شفيعنا يـوم حشـر فيـه الاهوالـي

************************

يعطيــــــــــكـ العافيه

اشتقنا ياحلووو والله اشتقنا

يسلمووووووو على المرور
اتعب انا على احلى رد
يسلمومووووووومووووو

يآسمينة لِ روحُك
واجلال ؛؛

ابدعت يالغالي

لا تحرمنا من جديدك

كن بخير
مودتي واحترامي

اعجابي بقلمك
ليس له حدود
تقبل مروري

ابداع ليس له حدود

تفنن في رسم الكلمه

ونثر المعاني الرائعه

دمت اخي