جرح الصديق

لا بارك الله في صديق تزعله كلمة عتاب ولا جمع الله الرجال اللي تفرقهم مره

الصاحب اللي ما يجي من صحبته غير العذاب نذرا علي إن ما هجرني ولا أنا اللي بهجره

من يفتح لفرقاي باب أفك له عشرين باب وإذا صديقي ما يقدر أخوتي ما أقدره

أنا تجرعت الظما لين إحترق وجهي وذاب أنا كسرت بخاطري قبل الصداقة تكسره

أنا خسرت اللي غيابه غير عن كل الغياب أنا غفرت لعالم ما تستحق المغفرة

أنا أكثر إنسان تعلم من كثر ما أخطا وصاب أنا آخر لسان يتكلم في زمان الثرثرة



أنا القصيد اللي طلع من دفتره مليون ناب وأنا الوحيد اللي جمع مليون ناب بدفتره

جفني وجرحه السهر وحيلي هدته الصعاب دمعي هدر ضحكي ندر عمري وضيعت أكثره

شيبت بعقول العرب هيبت روس ما تهاب جمهرة ناس عمرهم ما يعرفون الجمهرة

ما صرت ذيب إلا لأن اللي تحدوني ذياب ما كنت أغيب إلا لأن العفو عند المقدرة

ترا حلاتك اذا حملت لصاحبك كلمة عتاب إن ما نطقت بها بوجهه ما تذمه وتقدره

بهالزمن ما يملأ عيون الحسود إلا التراب ولا الحظيظ الطلقة اللي ما تصيبه تذعره

ودك اليامن جاتك الغلطة من الناس القراب الصاحب اللي ما كسبت محبته ما تخسره

الله عليك اخوي طرحت موضع جدا مهم وقصيده لشاعر مميز
انتقاء عذب
لاهنت

تسلم اخوي لعيونها مرورك يزيد القصيدة جمال ورونق

والله يا الغالي انا مثلك القصيدة جازت لي ونقلتها من الشاعر الكبير حامد زيد يارب تكون نالت على اعجابك يا الغلا

لإختيارك ذوق جميل يعكس احاسيسك العذبه
طرحت فتميزت لاشلت يمناك ي الغالي
حدائق الزيزفون لروحك

يالصقر يسلم منطوقك يالغالي

راااق لي ذوووقك سوف اكون رفيقك هنا في هذا القسم

فقط دعني احسن جلستي

دمت بوووود

يسلمو عاشقة الدموع على كلماتك العذبة مثل عذوبة قلبك الراقي والذوق منبعك يا الغلا

أخوي العزيز والغالي العقيد كلي فخر وشرف وعز لما يكون الجليس اللي معي مثلك وشرواك يا الغلا فكلي سعادة بوجودي معك