أبد لاتسألين بغربتي عن آخر الأخبار

أبد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]عن آخر [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
عمت عين السفر دامي أذوق المر من كاسه!



أنا اللي بسألك قولي.. جواب بكلمتين صغار
بلد من دونك (اش) يسوى بعيني؟ يابعد ناسه



حقيقه ما أطيق البعد لو هو بيننا أمتار!!
ولكن هالفراق أقوى ولاينفع به سياسه



ترى لولا اتصالاتك.. برغم اللي يدق.. كثار
حشى مافيه أحد غيرك يرد لصدري أنفاسه



ألا ياشوق خفاق ٍ ضويتي ظلمته أنوار
وصار اليوم ينبض لك مشاعر حيييل حساسه



تبي تدرين بفراقك معي يا الغاليه وش صار؟؟
تبي تعرفين مجنونك وش اللي قالب ٍ راسه؟؟



لك الله عايش بحالي/ لحالي.. شاعر ٍ منهار
وأنا كل ما طريتي لي صرخ شعري بقرطاسه!



يمر يومي.. ولابه غير همي والحزن زوار
عسى الله يرحمه حال ٍ غدا هالثنين جلاسه



شحن جوالي أنهيته!! أقفّل .. وافتحه أمرار!!
قسم لولا رسايلنا .. حبيبك قاتله ياسه!



على برد السنه هذي ذكرت المدفأه والنار
وشال من الفرو كل ما لمس يد صاحبه باسه



فقدتك والدمع لامن ذكرتك يفضح الأسرار
ولا أشره على وقت ٍ به الأيام دساسه



أسلي نفسي بكثر الأماني.. واليدين قصار
وأنام وربي العالم وش اللي خاطري حاسه!!!



كأني من ملك أسهم يبي تضحك له الأقدار
وقدّم كل ماعنده.. وفجأه أعلن إفلاسه!!



كأني طالب بغربه.. تذكّر عيلته والدار
وهو كل ماذكر أمه! ملا هالدمع كراسه



أعاني كثر ماتملك ومالك بالحشى تذكار
و(أحبك) والبلا حبك أبد ما أملك قياسه



جعل في داخلي عرق ٍ سمع بك يا الغلا ماثار!
يموت.. و وش لي بعرق فوصالك ميت إحساسه



حياتي تسأليني عن جديدي بالشعر وأحتار؟
وش أكتب لك شعر وانتي غديتي اليوم نبراسه!



ولكن أوعدك شعر ٍ لاقوله يتعب الشعار
متى ماشفتك وموعد لقانا دقت أجراسه



لأن مافيني أتحمّل بعادك في سفر وانهار
عسى لايعيدها سفره.. ولو هي كانت دراسه!!!

ترى لولا اتصالاتك.. برغم اللي يدق.. كثار
حشى مافيه أحد غيرك يرد لصدري أنفاسه

راقت لي \ دمتي ودام قلمكـ

مميزة و خالقك ..

تسلم يديك ...

لا هنتِ

أهتزت نخيل أبداعاتك مُنتشيه فـ تساقطت
عبارات الـ شكر شهيه تستحق هذا التواجد
فـ حيـــــــــــــــــــــاك الرب




جوريه صُبح تتنفس جمالكِ المنسكب بين طيات
هذا المتصفح الذي يشع بالنور

,،

كلماات قمة في الرووعه
سلمت اناملك الذهبيه على ماخطته لنا
ويسلم أحساسك العذب
دام نبضك هنا..~

أمتعني طرحك....
الله يعطيك الف الف عافية
سلم نزف قلمك ونبض قلبك..
ماأروع ماتكتبين ..لك ودي