كتبت آخر قصيدة بالـدم فـي صـدر حرمانـي

[mark=#080707]
[bor=#897dcc]

خسارة كل شي اقفى ومـات الـورد والريحـان
وصار الجرح الأول في الحيـاة يشابـه الثانـي

خسارة كل غيمة في السما ما تـروي العطشـان
خسارة يالغيـوم الصفـر وش جبتـي علشانـي

انا من يوم ميلادي وانا عـارف انـا الخسـران
ولكن حكمة الله في الحياة ارضـى بمـا جانـي

انا اللي جيـت للدنيـا كـذا مـا جيتهـا ولهـان
لقيت اني على جمر السنيـن الحمـر وحدانـي

انا والهم والوحده على طـول السنيـن اخـوان
على الحلوة وعلى المرة على صوتي على الحاني

انا جرحي حفظته فـي دروج السـر والكتمـان
وفجـر داخلـي عالـم يحـاول يقطـع لسانـي

انا اللي كان صدري للخيـول الجامحـه ميـدان
وانا اللي طيبتي كانت شعور للهمـس وجدانـي

انا اللي كنت غافل لين جتنـي طعنـة الشريـان
نزفت العمر كلـه ليـن ضاعـت قـوة ايمانـي

ترى طعنـة صحيبك لوصلـت ياشينهـا بركـان
وانا اللي طاح صدري في يدي وانهزت اغصاني

تغيـر كـل شـي عنـدي وانعدمـت الألـوان
وصار اللون الاسود من هنـا اسمـي وعنوانـي

انا المجرم وانا اللي ما قتلـت بداخلـي انسـان
قتلت الحب والطيبة بعـد مـا شفـت نقصانـي

انا الحاكم وانا الظالم وانا عالـم مـن الحرمـان
ومن يدخل محيط الحـزن يبشـر بـي ويلقانـي

انا اللي خافقي مسجون واحساسي هو السجـان
وضاع العمر مني ما قدرت اقبض على الجانـي

انا عالم غريـب وعالمـي مـا يسكـن النسيـان
عجزت انسى جروحي والزمن يسعـى لنسيانـي

كفاية ما كتبته من وهم عمـري علـى الجـدران
كتبت آخر قصيدة بالـدم فـي صـدر حرمانـي

[/bor]
[/mark]