فهد المساعد مشاوير

ياقلب طالـت قسوتـك وأنـت ليّـن
في قسوتك ياقلب ويش انت لاقي !؟

اللي تعـدّى عمـر ماهـوب هيّـن
والعالم الله كم مـن العمـر باقـي !

يمكن يطول .. ويمكن اليـوم أعيّـن
موتي .. ويبكون الحبايـب فراقـي

وش عاد أسوي وسط قبري وأزيّن ؟!
لاجفت عروق .. وعيون .. وسواقي

لا عاد بـه فرصـة عشـان آتحيّـن
ولا عاد به زفـرة وأفـك اختناقـي

باكـر وكـل اللـي سترتـه يبيّـن
وانا علـى هالحـال ميّـس وهاقـي

مـدري متـى يهدينـي الله وأديّـن
وأكف عن بعض المشاوير ساقـي !


الشاعر فهد المساعد

صح لسسسان اللشاعر ..

قصيده جزله ..

لا هنت يا رهين

دخلتْ هناَ لِـ اتنفسْ ..
فوَجدت أكسجينْ منْ حرفْ ..
جمييلْ يـ المساعد دومآ جميل

صح قلبك رهين ،،

رهين الشوق
تتهادى كلماتك وتتمايل مع نسمات الفجر
حروفك مرسومة بكل جمال تخطف العقول وتأسر القلوب
ارتبط اسمك بالابداع وارتبط الابداع بأسمك
شكرا لك ولقلمك المبدع الذي نثر تلك
الكلمات والعبارات
لك تحية بعمق البحر وامواجه
اختك :توتـــــــــا