يا اول مواعيدي .. ويااخر مواعيدي (قصائد للبدر mms ) ~!!

أسند على كفي السما .. وأناظر الشمس
أشرب عن عيونك ظما
أشرب ظما الشمس
وقلتي عسى ... جفنك عسى مايحترق
حاولت ماأغمض عيوني
حاولت أنا .. ما نفترق
..آه لو تدرين لوتدرين
لاعوّد العاشق حزين
يمشي على جفن وجبين
عزاه يالقلب الشجاع
ضاع الأمل .. وما لك عذر

من لمست عيوني الشعاع
زندي أنثنى .. ورمحي أنكسر
إن لمسني حزنك الطاغي
بغطي وجهي الوجل بيدي
وجرحيني .. جرحي .. جرحي
ثم ابعدي
ريحي الصمت بكلام
آه .. لو كلمة ملام

إرجعي تحت الظلام .. عوَّدي
في سنا القلب اللي توه يحترق
غمضت أنا عيوني
غمضت أنا عيوني
ياإنت بنفترق
والله يعلم .. إني حاولت

عيونك لاتوريها .. لغيري لاتوريها ..
عيونك لي .. ولو أقدر ..
عيونك عنك أداريها ..
أنا لو بعت نظراتك..
عيون الليل .. انا بالحيل
أحب أسهر لياليها ..
وأحب أبكي .. وهي تبكي ..
وأفرح للفرح فيها ..

حبيبي لو ضمنت اليوم ..
أعيش الشك في باكر ..
يجي مستقبل الايام ..
يغير في هوى الحاضر ..
يغيرك الزمن بعدي .. تعلم طبعه الغادر ..

أخاف عيون مايدرون ..
وش اللي يجرح الخاطر ..
وعيونك آه .. لو يدرون ..
حياتي فيها للآخر ..
عيونك لاتوريها لغيري ..لاتوريها ..

صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. في برد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد

غديت انا .. وانتي .. طفلة وطفل ..
تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
يا اول مواعيدي .. ويااخر مواعيدي
انتي فرح عمري .. وجرحي وتسهيدي ..
افارقك ليله .. يا طولها ليله ..
واجيك انا باكر .. وقلبي على إيدي ..
ومادري سبب خوفك .. وانتي العمر شوفك ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
وغديت انا .. وانتي .. طفلة وطفل ..
تبكين فـ وداعي ..

لادمعة في العين تكفي ولا آه
لا من نوى لك صاحبك بالقطيعه
الله على بعض المحبـين ما اشقاه
يرجي زهــر روضٍ تولى ربيعه
ولا مـن خذا له ساعة قال ابنساه
بانسى هوى اللي بـاعني قبل ابيعه
وده يعسر القلب عن غي مشهاه
هيهات ياقلب الخطا لو تطـيعه
الله يجازي الحب مااكبر خـطاياه
شره على اصحاب النفوس الرفيعه
اهـل الوفا واهل الشيم من سواياه
ضاقت بهم دنيا فججها وسيعه
والا الخبيث بمنسم الرجل ناطاه
يوم الغـدر والخبث عنده طبيعه
يالله عسى لي خيرة عقب فرقاه
لوكان فرقا الخل مثل الفجـيعه

الصدق ..
ما ينقش العصفور .. في تمرة العذق ..
وما وشوش الدبور .. زهرة الرمان ..
والصدق .. ما زاعت أ رض جوفها بركان
وما يحفر الأظفر في جلدة المجدور
وش يخفي الإنسان .. الطيب .. المغرور

عضيت أنا اجساد الحروف الواضحه ..
يا اخت الطريق ..
عضيتها صدق الشفاة الناضحه
شهد وشري ..
وكان الحديث .. جرح ٍ طري ..
مضمد بالياسمين
كان الحديث .. ما هو الحديث اللي تبين ..
وش اللي تبين الصدق.. ؟
وش الصدق ؟!غير الدفا والنور ..
وما يقتل الإنسان الطيب .. المغرور
لو قلت لك .. إني ضعيف ..
هش ٍ كما ورق الخريف ..
أو قلت لك إني أخاف ..
أبكي .. واخفي عبرتي ..
واني لبست .. ثوبي .. عقالي وغترتي ..
با أجامل الليل .. والجفاف
بيعجبك .. هذا الصدق .. وهذا العفاف .. ؟!

بهديك أنا يا مهرتي .. سرج ٍ حرير
وقلادة ذهب ..
وأبا أشتري سيف ٍ رهيف ..
لو ما بقى عندي ثمن .. نصف الرغيف ..
اللي يسد الجوع ..
والجوع .. صدق ..
الجوع .. صدق .. وما سواه ..
يا اخت الطريق ..
كذب .. كذب .. كذب

مراجيح 00 تحمل الاطفال00
للشمس الغاربه 00 وتجيبهم 00
في جيوبهم خوف وفرح 00
والريح 00
تطوي عباة 00 وشيال 00
أمٍٍ سواد عيونها ارجوحةٍ
ويدينها قلبٍٍ يشد حبال 00
علمي بهم 00
والشمس خيلٍٍ هاربه 00
في الليل ويم جبال 00
والدنيا ما فيها احد 00
الا طفل 00
طفل ومره 00
طفل ومره ورجال 000

ما بقالي قـلب يشفع لك خطيّه
ذوبـته اجروح صدّك والخطايا
صاحبي بالله ... لا تعـتب عليّه
العَـتـب ما عاد تاسَعه الحنايا
كلّ جرحٍٍ فات لي منك هديّه
وش بلاك اتخاف من ردّ الهدايا
الله أكبر ... كيف مالك مقـدريّه
وكل ما تحمله من هـمّي بقايا
لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا
وان غَدى للحب في قلبك شظيه
وش يقـول اللي غدى قلبه شظايا

ربي يعطيك العافيه

ويقويك يالغاليه ~~

× ذوووق × ذووق ×

كل الورد والود }

ذوووووووووووق

يسلموووو يالغلا


شكراً لا تنتهي

عشوووقه
وســآئط فري نــآيس
لا شلت يمنــآك يالغلآ
بإنتظار جديدك ..

حــمآك البآري

لاهانت هاليمين

كلك ذوووق