ضآيق..ومرهق ..ومخنوق..وحزين

اي والله اني ضايـق ومرهـق ومخنـوق وحزيـن

إمـا بمـوت مـن الـولـه وإلا بـمـوت مــن القـهـر

واللـي لعـب فـي حسبـه أيـامـي وخـلاهـا سنـيـن

إنـي علـى ذالحـال ياشعـري لـي أكثـر مـن شهـر

بعت المدينه لاجل عيـن ! وقالـوا : الخافـي يبيـن

ودفنتـك بجوفـي ! وقالـوا : وش بقابـك ماظهـر؟

يامطـول الغيبـه يـاطـول الـشـوق مـيـرالله يعـيـن

العاشـق اللـي عـاش ظامـي بيـن عــدك والنـهـر

عيـد بــي غيـابـك سـنـه والليـلـه مــن العايـديـن

ولاعـاد عيـدك يالجـروح اللـي بقلبـي مـن دهــر

ياصاحبي لـو تعتـذر عـن غيبتـك عـذرك سميـن

حبـك بعـد ماغبـت عـن عينـي تـمـادى وزادهــر

مـن يـوم شفتـك والنعـاس بعينـك النجـلا سجيـن

ومن نفـس ذاك اليـوم وعيونـي سجينـه للسهـر!

علقتـنـي بالضـحـكـه الـلــي تـسـبـق الغمـازتـيـن

وتركت لـي شاعـر كتـب فيـك القصايـد واشتهـر

سيلـت دمعـك واستبـاح والدمـع ستـر الياسمـيـن

وعلمتـنـي كـيـف الـنـدى يجـمـل خــدود الـزهــر

ليتـك عقـب ماغبـت غيـبـت اشتيـاقـي والحنـيـن

أو ليتنـي ماقـد دفعـت أحـلام عـمـري لــك مـهـر

وياصاحبي لا عـاد تنشدنـي عـن الحـزن الدفيـن

اقسي الطعون ! الطعنه اللي من حبيب وفالظهر !