ياخي ما أبي أروى انا ابغى بس بلّة ريق

ياااخي .. ما أبي .. أروى .. انا ابغى بس ( بلّة ريق ) ..!!



حلفت أقطف لك الغيمه .. من اغصان السما .. لرضاك
و اجي و اعصر .. لك مزون الغلا .. و ابل لك هالريق



مع ان الغيم .. من شافك تحت ظله .. بدا يضماك
شف نجوم السما .. لا من غفَت عينك .. عليك اتويق



تعال .. آعلمك كيف القصايد تحتري .. لقياك
تعال .. انسولف بقصة هواك .. و رحلة التشويق



كتبت الشعر لجل ارضي .. شعور ٍ داخلي .. ما جاك
و جاك ..!! و ما كسبت الا الولَه .. مع ضجّة التصفيق



غمّض و اركب احلامك .. و شفني محتريك .. هنااااك
لعل الحلم يجمعنا .. و اضمّك من قبل .. لاتفيق



طموحي بالحياه اكبر .. من المعقول و الإدراك
و انت اكبر طموحاتي .. و حلم ٍ يرفض التحقيق



انا و قلبي نضيق .. ولو بغيت .. القاك ..؟ ما ألقاك
و انا .. أوّل من بتلقى .. لو الدنيا عليك اتضيق



روح بدنيتك كانك .. سليْت و نسّتك دنياك
حبيب ٍ شالك بقلبه .. كما شال .. الرياض .. طويق



عزمتك داخل ضلوع ٍ .. تصافق من غلا .. و حيّاك
تعال .. إختر من اعماقي مكان .. و خابرك ( ذوّيق)



تعال إلعب على روحي .. تمون و ماحد ٍ ينهاك
تعال .. ( إعرج ) على عيني وانا بكون لك ( صدّيق )



ترى هالشوق ضج ّ بداخلي و اهتز ّ .. من ذكراك
مثل ما زاد .. دهن العود .. طيبه كثرة التعتيق



تعبت آعاتب احساس ٍ .. بقلبك ما قدر ينهاك
و تقفي ْ .. و انت غارق في جفاك .. و ساهي التحديق



تروح و تترك بدربك .. خفوق ٍ للقى .. يضماك
ياااخي .. ما أبي .. أروى .. انا ابغى بس ( بلّة ريق ) ..!!

أخي رهين آلشوق
جدآآآآ رآئعة .. لقد سعدت بـ الآطلآع على هذه القصيدة
التي والله أعجبتني بـ المررررة
دمت بحب ومحبة
آلشوق

قصيده رائعه كروعتك الله لايحرمني من هالذوق يعطيك ألف عافيه غلاي

يعطيك العـأإفيه خيو ..
ع هـ القصيده الأكثر من رآئعه ..

....

تسلم اخوي على الابداع الراقي

والكلمات الارقى
من شخصيه راقيه
دمت على هذا الابداع
لاتحرمني ولا القسم ابداعك
تقبل طلتي

يا هلا اخي الشوق

مرورك الأروع فديتك

وانا سعيد جداً بطلتك البهيه

وحياك ربي

الحب المستحيل

مرورك الأروع

وكلك ذوق يالغلا

ربي يحفظك

همسة حب

ربي يعافيك وأشكرك على تواجدك

اخوي ومشرفنا المبدع صمت

ربي يسلمك كلك ذوق عزيز

ولا تحرمنا ايضا اطلالتك البهيه .

دمت

ما أجمل الكلمات حين تصوغها أنامل ماسية .كأناملك .
وتطرزها احاسيس شفافه كأحساسك
, كلماتك أنيقة حتى الثمالة

سلمت ودام تميزك وابداعك

لك مني كل احترام