لا عـاد تـسـألـنـي عـلامـك مـنـت طـايـقـنـي ؟!

[عاشقة الدموع]

::: مدخل :::
يالحزن
ليتك مثل دمعي
وتنزل لارقيت ,,
بس أعرفك
لو مسحت الدمع
تبقى ماانمسحت ,,




:


:


:


( صغير السن )



ياصغير السن قدرك طاحت أبراجه
الجرح خلى الصخر ينطق ونطقني



خلاص ماعااد تعني لي ولا حاجه
رح .. جعل ربي يوفقك ويوفقني



من بعد ما كنت نور العمر وسراجه
اليوم صرت الظــلام اللي يطوقني



عطيتك أكثر من اللي كنت تحتاجه
أسرفت في الحب لين الحب وهقني



خلاص مالي ومال الحب وازعاجه
مالي ومال الدروب اللي تضايقني



تعبت أضم البحر وأهدي أمواجه
تعبت أجامل وأشوف الوقت يسرقني



شكواي للي عليه الضيق وإفراجه
اللي اذا شاااء يرحمني و يرزقني



أما إنت يا بو جبين معقد حجاجه
لاعاد تسألني علامك منت طايقني ؟!



النــاس كلن على دربه ومنهاجه
وأنا عن الناس مابه يشي يفرقني



إلا إني أحب الصدق وأواجه
مخلوق والله على هالوضع خالقني



حتى رفيقي ضماد القلب وعلاجه
على كثر ماتمسكت فيه صدقني



لو أدري إنه مرافقني على حاجه
لا أمسكه حاجته وأقول فــارقــنــي


:


:



:


::: مخرج :::
كان حلمي
في وجود إنسان
يبكي لا بكيت ,,
وصار حلمي
في وجود إنسان
يفرح لا فرحت ,,

[حنين العشق]

[فقط الأعضاء المسجلين والمفعلين يمكنهم رؤية الوصلات]