يا اللي دفنتوا جثته .. ليه تبكون .

,’


ياللي دفنتـوا جثتـه.. ليـه تبكـون؟
لولا الحيا..لأقـول : معكـم خذونـي

منه انحرمت وكنت انا عنه مسجـون
ما أذكر لمحته .. غير مـره بعيونـي

شفته ..وكانت فرحتـي مالهـا لـون
عجزت لأوصف .. من لمحته شجوني

ياليتني ..كنت الكفـن يـوم تمشـون
أبقـى معـه بالقبـر ثـم تدفنـونـي

أو ليتنــي .. من خلفكم كنت (مجنـون)
أتبع خطاكم والعـذر هـو : جنونـي

أبكي وراكم .. وأدعي ان كان تدعون
مايكفي انه عـاش عمـره بدونـي ؟؟

تكفـــــون هاكم عمري اليـوم تكفـون
برخـص حياتـي دام خابـت ظنونـي

مافادني صبري !! ولا فادنـي عـون
ولا فادني دمع .. حرق لي جفوني

ياما بكيتـه والبكـي يحـرق عيـون
ميت أو إنه حي .. دمعـي بعيونـي !!

العام / كان بفرحتـه.. يعـزف لحـون
واليوم / تحت الأرض .. ماهو بكوني

لكــن أنا في فرحتـه.. كنـت مدفـون
فوق الثرى .. واليوم موته سجونـي

ياليتني.. ماعشـت لحظـه بهالكـون
وياليت ربعي .. في سكات اذبحونـي

وياليتكم .. عن همّي اليـوم تـدرون
منه انحرمت / ومن عزاه .. احرموني

حتى بوفاته .. يوم أنا طحت مطعـون
أخفيت طعناتي .. قبـل لا يفضحونـي

بكيــــــت !! لكن .. ماتظاهـرت بالهـون
أبكي وأقول : الموت سبــــــــة طعونـي

وإن كان في حبّي أنـا .. مـــــااا تحسّـون
دلوني لقبـره .. وهنـاك ....... اتــــركوونــي





دمتم بخير

اعجبني ما اخترته هنا ذائقة شعريه رائعه عزيزي لك كل الشكر على مانقلت سلمت يداك وصح لسان شاعرها تحياتي لسموك المبدع ...

نورت يا أخوي ...

أبدعت في مرورك السامي بقلبي ..

لا حرمني الله تواجدك العذبْ

ذائقه عذبه كيان ،،


لاحرمنا الله هذا الإبداع ،،

الاروع هو تواجدك العذب ...

شكرا لكِ