العمر دفتر وأيام الوصال سطور

وإن مَرِّني منك ليلٍ مايخاف النورْ
من وين أجيب لعيوني دمعْ... وأبكي لكْ ؟!

لاتسافر.. الما يموت.. وينشف العصفورْ
والريح تصمُتْ... وذِيبَةْ رَمْلِي تعوي لكْ !

محتاجك أكثرْ من أوقف والسنين: تدورْ
وأكثر من إني تَعَبْ كل ليله أسري لكْ

محتاج أفضفض لقلبك عن ثلاث شهورْ
وعن حلم عاري.... لقى حتفَهْ يغنِّي لكْ !!

كل مانسيتكْ.. ذِكَرْكْ الخاطر المكسورْ
ياسُخفْ عذري... وياحظّ أضلعي بـ ويلكْ

جرِّب تنامي .. بيديكِ... ولا معاكِ غرورْ
عشاني.. جرِّب ثواني.... وشفْ شسوِّي لكْ :

بأهديك باب.. ودُعا / خفَّاقْ / شِعْرْ / طيورْ
يمكنّك شوي...... تدري شكثر حبِّي لكْ !

والبارحة... ما هَجَدْتْ ولا حَوَتْني الدُّورْ
ماغير أشتِّمْ غيابك... وأرجَعْ أشكي لكْ !

بلحالي.. كِنِّي الفقير.. وكِنّ زَعَلْكْ السُّورْ
كل مابغيت أشحذك.. هجَّتْ محاصيلَكْ !

بشويش قل لي: شَسَوِّيْ.. وأجْمَعَ المنثُورْ
بس إنت آمر.. وأنا بهبالي... كلِّيْ لكْ !

ودِّي أكونِكْ.. وإنت تكونني.. وبالدّورْ :
أنا أحضنَكْ بُنّ.. وإنت تضُمِّني هيلكْ !

ماهو بوقت لـ تغلِّي... سيِّدي المَمْطُورْ
بالحُسنْ / .. وأمَّ المسافة تنتخي بـ خيلكْ !


يا دفتر العُمرْ... لا تحرمني سطري لكْ !

ثلاثة شهور ... والوحدة بليَّا شعُورْ..
تهِدّ بي حلم... وأرجع كلِّي أبْنِي لكْ !

لله... قل لي: إذا مَرّيتني بـ غرورْ :
من وين أجيب لعيوني دَمعْ.. وأبكي لكْ ؟!

مشكوووووور والله يعطيك الف عافيه