وين الصديق اللي على زلات صدقانه صبـور ؟

ضيقه وتعقيد ومتاهات وغيـاب بـلا حضـور
وكلتها على الكريم اللي ما خـاب مـن اسألـه

::

وين الصديق اللي على زلات صدقانه صبـور؟
اللي ولو يزعل على صاحبـه مايبيـن زعلـه

::

في وقت صار العلم به ظلمى وصار الجهل نور
وصار احترام الشخص ما يلقاه حتى من اهلـه

::

يالله طلبتـك ياكريـم ويارحـيـم وياغـفـور
انـك تبعدنـي عـن اللـي ضايـع مستقبلـه

::

تعبت من طرد السراب وكذبة باسـم السـرور
حملي ثقيل ولا اقـدر اشيلـه وصعـب انزلـه

::

جاملت لين اني وقفت بدرب مظلـم ومهجـور
يمرني شـي اعرفـه ويمرنـي شـي اجهلـه

::

مليت اجامل لين ضقت وضاقت بوضعي صدور
شي ماني بـه مقتنـع لاشـك مجبـور اقبلـه

::

كشفت انا كل الحقايق قبل اجي جسـر العبـور
قبل اعبر الجسر بقديـم الوضـع قبـل اعدلـه

::

والفرصه اللي ضاعت من يدي قبل اربع شهور
رحت اتغانمها واثرنـي زدت حجـم المشكلـه

::

الكثره تغلب الشجاعه وارتخى القلب الجسـور
شينه والاشين شوف من تغلي يعيـش بمهزلـه

::

بركان غيظ بداخلي وانا انتظـر متـى يثـور
ضاعت اجاباتي وضعت بظـل كثـر الاسئلـه

::

مايقنع بماعنده ويرضى سوى العبـد الشكـور
والآدمـي طمـاع يبغـى رزقـه ويستعجلـه

::

دنيا التجارب والدروس القاسيه فيهـا جسـور
للمعرفه والجهـل مـن يطلـع منـه مايدخلـه

::

لا للتمـادي بالخطـا والسلعـه البايـر تبـور
اللي مضت خسرتها عسى العـوض بالمقبلـه

::

درب الضياع اللـي نهاياتـه تـودي للقبـور
من تاه في هالدرب ماتفيـده نجـوم وبوصلـه

::

تايه وماشي بهالطريق بدون راي ودون شـور
وانا ادري ان الدرب هذا نهايتـه عنـد اولـه

::

اليامتى وانا على هالوضـع واقـول معـذور؟
والثانيه ضاعت مـن يدينـي سـوات الاولـه

::

ياليتني قريت وش مكتـوب مابيـن السطـور
وياليتني حاولت انـزل كـل شخـص بمنزلـه

::

وليت الندم ينفع وينفع عذر في بعض الامـور
وياليتني طلعـت مـن درب الخطـا بمجملـه

::

لا يازمن يكفي وكـل انسـان مافيـه مخبـور
ان كان طيب او ردي معـروف درب يدهلـه

::

اقولها واللي يعـرف يعـوم مايهـاب البحـور
يبقى ضعيف النفس والخـوان بـاردى منزلـه

::

واللي ربى في مجتمع واطي ويطمح للظهـور
على حساب اهل الوفا يبطي وانا مـا استقبلـه

::

واللي على نكبات خلق الله يعمر لـه قصـور
عسى جزاه يكون عند الله مـن جنـس عملـه

::

والعاقل اللي ضحكـة خلتـه مختـل الشعـور
والنظره اللي كلها شرهـات صوبـه مرسلـه

::

والقل والحـظ الـردي وخلـه لعلـه مايثـور
والظلم مـن اقـرب قريـب وصـده الياقابلـه

::

كانت كفيله في رجوعـه واجتهـاده للحضـور
من شانه يحقق طموحه ويتحـدى مـن خذلـه

::

قال المثل مايحصد اللي يزرع الشوك الزهـور
ومن لاتعلمه الصعايـع وش يبـي بالمرجلـه؟

::

اعرف من تصادق
ومن يستاهل التعب
مع الوقت تعرف

صح لسانك

واتعلا شانك ..

سلمت يدينك

لك ومحبتي

منورين يا حبايب...

ربي يسعدكم

قصيده رائعه كلها حكم


سلم ذوقك كيان ,,

شكرا لكِ نورة ..

نورتينا ..

صح اللسانك

قصيدة رائعة ومميزه

ربي يعطيك العافية

احترامي وتقديري
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

::

وين [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]على [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]صبـور؟
اللي ولو يزعل على صاحبـه مايبيـن زعلـه

::

في وقت صار العلم به ظلمى وصار الجهل نور
وصار احترام الشخص ما يلقاه حتى من اهلـه



رااااااااااااقت لــــــــي كثييييييييير

يسلموووو ع الطرررح..

همس الروح ..

أشكرك من كل الاعمااق

ملاك ..

منورة حبيبتي ..