نبضات رهين الشوق

الا يا وقت وش ذنبي اعيش بوحدتي مقهور=
الا يا وقت ما يكفي طعون الخل قتاله ؟
الا يا وقت ذي عيني حكت بالخافي المستور=
عناد الا ملامح حقد للي بانت احواله
سهر وادموع وابياتي ثلاثه في زمن مهجور=
وقلب(ن)مات بشواقه سنه والعز ما طاله
رميت البسمه الحلوه بدون قياد ولاّ شور=
وشلت بداخلي هم(ن)جبل ثربان ما شاله
وهمت بدنيتي عاشق ولا فكرت في المحظور=
على مبدا تزول المعظله والآرض زواله
كتبت الجرح في دفتر زمن غامض بدون سطور=
وذاق القلب من ملح الحياه ونال ما ناله
وانا مارخصك يا روحي ولو عانقتي الحنجور=
وكل(ن)لا حتمى الواقع يبين بحزة اقواله
صحيح ان الغلا يذبح ولكنه بداخل سور=
حجاره ضحكة العاشق وطوله طيب منزاله
الا يا وقت مادامك حكمت بحكم كله جور=
دخيلك وش بلا حظي قضى هالعمر بالحاله
قطعت اميال من صبري وجبت بحور بعد بحور=
وهمي ساكن بقلبي كذا شكله ومواله
وانا وان زادت اشواقي وضاع الطب والدكتور=
وشفت الناس تنظر لي بعين الحقد واشكاله
ابقفل دفتر اشعاري على ذا الواقع المشهور=
وبصرخ يا زمن باقي طعون الخل قتاله