نبضات رهين الشوق

إستريـح شـويّ .. واسمعنـي ثوانـي
بعدها مسموح .. قول اللـي تقولـه ..
جيت لك والقلـب ماهـو بالمحانـي !
شف قبل لوصلك سابقنـي وصولـه !!
ووالله ان لو لا الغلا مـا جـاك عانـي
يا بعـد منهـم بكولـه و ضحكولـه ..
عاشقك سـوّاح !! وعيونـك موانـي :
اخذني ّ .. من الحزينه .. للخجولـه !!
أبتسم خلنـي افضفـض لـك عشانـي
الحكي غصن ٍ عجز صوتي يطولـه ..
تعقد احجاجك وتعقـد لـي لسانـي !!
المطر يـا غيـم ضميّـان لهطولـه !!
خاطري مكسـور مـن قسـوة زمانـي
وانت ( كنْك إياااه ) وفعولك فعولـه !!
تعتبرني .. شخـص مغـرور وأنانـي
واعتبرك .. الكون في عرضه وطوله ..
آآه لـوّ تحـسّ بـجـروح الأمـانـي
كان ما تزعـل علـي ّ بهالسهولـه !!
حط ( عمرك ) يابعد ( عمري ) مكاني
وان لقيت قصور ؟؟ قول اللي تقولـه ..
وأنتبـه يـا سيّـد الغـيـد الغـوانـي
التشّـره والمعاتـب لـه أصـولـه ..
لا تساومـنـي ولا تـجـرح كيـانـي
كل شـي ّ إلا ّ الكرامـه والرجولـه !!