يا قلب لاتشكي همومك على الناس ، روعه لا تفوتكم

[تذبح القلب بغلاها]

ياقلب لاتشكي همومك على الناس
ماكل شخص(ن)يعذرك في مصابك



لاتسكب الدمعه على خد حسـاس
ولا تحرق اوراق الزهر في عتابك



ولا تضيق الصدر المولع بالانفاس
ولاتقطع عروق(ن)بكت عند بابك



ياقلب ولله مابقى بعيني انعـاس
يومك شكيت الحب محد(ن)درابك



النار ماتحرق سوى رجل من داس
وللي كواه الحب يفهـم خطابـك



قبلك شرب مجنون ليله من الكاس
واليوم نفس الكاس تسقى شرابك



ياقلب اعرف معدنك معدن الماس
توفي لحبيب الروح لوهو رمابـك



ياقلب خلك بالشدايد قـوى بـاس
لا تلتفت للجرح لوهـو سطابـك



ياقلب لا تسقي عروقك من الياس
وخل الامل والصدق دايم زهابـك



مادام طاحت فاسك اليوم بالـراس


اعذر جميع الناس واخفي عذابـك

[بنيان السلامة]

سلمت أناملك وشكراً على هذا التعبير الصادق
والذي بشبة الماسة المشعة في غياهب الظلام
........تقبلي مروري مع مودتي

[تذبح القلب بغلاها]

شكرا لمرورك على موضوعي وهذا شرف لي ووسام على صدري