إذا المراجل لبسة شماغ وعقال *** قل للعذارى يلبسنّ العمايم

[دلوعة ابوها]

السلام عليكم ورحمه الله

قصيدهـ اعجبتني فنقلتها لكم ارجوا انها تعجبكم ...


إذا المراجل لبسة شماغ وعقال *** قل للعذارى يلبسنّ العمايم


ما عاد يفرق زول حرمه ورجال *** دام الفعايل تشبه البعض دايم


المرجله ما هيب كلمه وتنقال *** وتروح ما راحت هبوب النسايم


وإلا خشونة صوت أو رفع الأثقال *** أو رزة صدور وفعل الزلايم


ولا هي بعد مفتاح موتر وجوال *** وإلا ردى لسانن حديثه شتايم


المرجله شيمه عن القيل والقال *** رفيع نفس (ن ) حر بالجو حايم


المرجله عقلٍ وزن وزنه جبال *** ودون العقل وش فرقنا والبهايم


يا مسندي لو مايل الوقت بي مال *** يا ولد أبويه يا عظيم العزايم


يا معرب الجدين من العم والخال *** يا نخوة المفزوع وقت الهزايم


المرجله يا خوي هي طولة البال *** هي العزم هي الصبر فالظلايم


فيها الكرم عزه دله وفنجال *** فيها الكرامه عن ردى الطبع شايم


والدين لامنه خذا القلب منزال *** مشى طريق الحق وابليس نايم


ومن لا عرف ربه في طيب الحال *** لابد وقت الضيق بالهم هايم


حتى صلاتك مع جماعات ورجال *** في خيرها يا خوي نعم الغنايم


ولا من رفع ربي له كل الأعمال *** حسن الذكر لا قالو فلان صايم


وخلك شريف القصد يا طيب الفال *** سوء المقاصد فالبيوت الهدايم


واحذر تبيع النفس في دب الأنذال *** وتتبع خوي إبليس راع النمايم


النفس خيل لك إذا كنت خيّال *** ومن لا قوى نفسه قوته الهزايم


ولا صرت ما تدري لو يش أنت رجال *** والله خسارة فيك ذبح التمايم

[نايف الشوق]

عانقت كلماتك السحاب ودقت بداخلي الابواب

سلمتي وسلم بوحك

دمت بكل ود واكليلا من الورد

تقبلي مروري المتواضع

[دلوعة ابوها]

يسلمو اخوي ع مرورك وردك

لاهنت

[رهينة الشوق]

الله عليك ..
كلمآتك تنساب كالماء آلرقرآق

سلمتي..

[دلوعة ابوها]

الله يسلمك رهونتي

[أميرة الورد]

روعه بمعنى الكلمة ...
تسلم يدك يالغلا ..

[دلوعة ابوها]

يسلمووو امورهـ ع التواجد

[أسير الأحزان]

اذا المراجل لبسة شماغ وعقال قل للعذارى يلبسن العمايم




رووووووووووووووووووو ووووعه خيتوووووووووووووووو

تسلم اناملكي على القصيده الرائعه

تقبلي مروري

[دلوعة ابوها]

الله يسلمك اخوي